Peşəkar media ilə normal münasibətlərin qurulması təhsil sektoru üçün prioritet məsələlərdəndir

10/08/2019 [19:08] - Cəmiyyət (355)



Bu istiqamətdə reallaşdırılan layihələrin sayının artması, eyni zamanda, vətəndaş cəmiyyəti ilə təhsil sahəsi arasında əlaqələrin daha da möhkəmlənməsini təmin edir - II yazı
Ötən yazımızda qeyd olunduğu kimi, artıq orta məktəbləri hədəfə alan "reket" jurnalistlərin əməllərinin  qarşısını almaq üçün məqsədyönlü və təsirli tədbirlər görülür. 

Bakı Şəhəri üzrə Təhsil İdarəsinin (BŞTİ) İctimaiyyətlə Əlaqələr sektorunun müdiri Bəşarət Məmmədovun qeyd etdiyi kimi, Təhsil Nazirliyində, Bakı Şəhəri üzrə Təhsil İdarəsində medianın suallarını operativ birbaşa cavablandırmaq üçün press@edu.gov.az, pressbaku@edu.gov.az elektron poçtları var: "Bizə müraciət edən və onları maraqlandıran bir məsələ barədə operativ məlumat almaq istəyən peşəkar media təmsilçilərini ora yönləndiririk və ən qısa zamanda onlara cavab verilir. Ancaq başqa məqsədlər güdən, bəzi "media" təmsilçisinə deyəndə ki, sizi maraqlandıran sualı həmin ünvanlara göndər, bu zaman bir çox halda məlum olur ki, onların heç elektron poçtları da yoxdur. Bəzi hallarda isə görürsən ki, ora yazmaqda maraqlı deyil, çünki onu hansısa məsələyə aydınlıq gətirmək maraqlandırmır".

Məktəb, təhsil sahəsi başqa məqsədlər güdən "jurnalist"lərin hansısa formada "marağı"nın təmin olunacağı məkan deyil 

Bəşarət Məmmədovun sözlərinə görə, onların, yəni "reket" jurnalistlərin məqsədləri hamıya, xüsusilə əsl media işçilərinə aydındır. Belə ki, onlar bir çox halda gedib direktorla və məsul şəxslə görüşməklə və müxtəlif metodlarla çirkin məqsədlərinə çatmaq istəyirlər: "Bu tip şəxslər gedib məktəb direktoruna  "bizim adamsan, sizin məktəbdən yazım, sizi tərifləyim" deməklə, təbii ki, özlərinin şəxsi maraqlarını güdürlər. Şükürlər olsun ki, biz də məsələlərdən kifayət qədər xəbərdar olduğumuz üçün onların qanunsuz fəaliyyətinə imkan yaratmırıq. Onlara bildiririk ki, müəllim, məktəb, təhsil sahəsi başqa məqsədlər güdən heç bir şəxsin hansısa formada "marağı"nın təmin olunacağı məkan deyil". 
Onu da qeyd edək ki, Bakı Şəhəri üzrə Təhsil İdarəsinin həmin şantaj, hədə və digər vasitələrlə fəaliyyət göstərənlərə, jurnalistikaya ləkə gətirənlərə qarşı mübarizədə tutduğu mövqe təqdirəlayiq olmaqla, öz müsbət nəticəsini verir. Belə ki, Bəşarət Məmmədovun sözlərinə görə, əvvəlki illərə nisbətən son illərdə "reket" KİV-in cəmiyyətin digər sahələri ilə müqayisədə təhsil sahəsinə, məktəblərə qarşı "hücumu" nisbətən azalıb: "Bunun başlıca səbəbini də son illərdə təhsil sahəsində şəffaflığın artmasında görürük. Çünki onların fəaliyyətinin genişlənməsi daha çox şəffaflıq olmayan yerlərdə mümkün olur. Beləliklə, təhsil sahəsində şəffaflıq artdıqca onların fəaliyyəti üçün heç bir münbit şərait qalmır". 

Təhsil sektorunda həyata keçirilən islahatlar ictimaiyyətlə əlaqə işinin daha səmərəli təşkilinə, vahid informasiya mübadiləsinin təmin olunmasına təkan verir 

Əlbəttə ki, mediadan uzaq bu cür şəxslərin məktəblərə "ayaq açması"nın qarşısının alınmasının bir yolu da məhz orta təhsil müəssisələrinin real, qanunları bilən və başqa məqsədlər güdməyən KİV-lə əlaqələrinin genişləndirilməsindən keçir. Öz növbəsində məktəblərin fəaliyyətinin ictimaiyyətə təqdim olunmasındakı şəffaflıq, açıqlıq və media ilə münasibətlərin perspektivi barədə məqamlara toxunan Bəşarət Məmmədov təhsil sektorunda həyata keçirilən islahatların ictimaiyyətlə əlaqə işinin daha səmərəli təşkilinə, vahid informasiya mübadiləsinin təmin olunmasına, informasiya açıqlığının gücləndirilməsinə təkan verdiyini və bu istiqamətdə atılan addımların yaxın gələcəkdə də öz uğurlu nəticəsini verəcəyini dilə gətirib. Sektor müdiri deyib ki, peşəkar media ilə münasibətlərin də bu istiqamətdə qurulması təhsil sektoru üçün prioritet məsələlərdən biridir: "Ümumiyyətlə, təhsil sahəsində əlaqələrə diqqət yetirəndə görürük ki, bu gün Təhsil Nazirliyi, Bakı Şəhəri üzrə Təhsil İdarəsi ilə bütün ciddi, peşəkar media arasında heç bir problem yoxdur. Əməkdaşlıqda biz də maraqlıyıq və qarşılıqlı səmərəli əməkdaşlığa görə bütün ciddi, peşəkar media qurumlarına, sözügedən media orqanlarında çalışan həmkarlarımıza təşəkkürümüzü bildiririk".

Məktəblərin fəaliyyəti ilə bağlı informasiyaların daha çevik, daha əhatəli şəkildə ictimaiyyətə təqdim olunması üçün addımlar atılır

Məktəblərlə bağlı faktların, təhsil ocaqlarında baş verən hadisələrin olduğu kimi, təhrif edilmədən təqdim olunmasının, bu sahədə şəffaflığın təmin olunmasının vacibliyini vurğulayan Bakı Şəhəri üzrə Təhsil İdarəsinin təmsilçisi təmsil etdiyi qurumun məktəb rəhbərləri üçün seminar və treninqlər keçirdiyini, KİV nümayəndələrinin təhsil müəssisələrinə mediaturlarının təşkil edildiyini xatırladaraq, ümumiyyətlə, media ilə işin düzgün qurulmasının və məktəblərin sosial şəbəkələrdə fəaliyyətinin işıqlandırılmasının artıq günün tələbi hesab edildiyini qeyd edib: "Biz ənənəvi, həmçinin ciddi reputasiyaya malik olan media orqanlarını maraqlandıran hər hansı məsələ və sual olarsa, onları cavablandırmağa hazırıq. Digər tərəfdən, 2015-ci ildən başlayaraq, xüsusilə Bakı şəhərində yerləşən məktəblər haqqında məlumatın birbaşa əldə edilməsi üçün hər bir məktəbin saytlarını yaratdıq. Bundan əlavə, 2016 və 2017-ci illərdə biz bütün məktəblərin sosial şəbəkələrdə səhifələrinin yaradılması istiqamətində işə başladıq. Bu işlərin görülməsində əsas məqsədlərdən biri bütün məktəblərin fəaliyyəti ilə bağlı informasiyaların daha çevik, daha əhatəli şəkildə ictimaiyyətə təqdim olunması idi". 
Beləliklə, sektor müdirinin qeyd etdiyi kimi, sonrakı müddətdə orta təhsil müəssisələrinin fəaliyyətinin sosial mediada işıqlandırılması yönündə müşahidələr göstərdi ki, məktəblərin saytları ilə yanaşı, məlumatların əlçatanlığı, geniş və operativ yayılması baxımından sosial medianın əhatə dairəsi daha genişdir. Bu baxımdan məktəb rəhbərlərinə sosial şəbəkələrdə məktəblərin səhifələrini yaratmaq və sosial mediadan daha geniş istifadə etmək barədə tövsiyələr, tapşırıqlar verilib. Eyni zamanda, Bakı Şəhəri üzrə Təhsil İdarəsi istər məktəb saytları, istər sosial mediadakı səhifələrlə bağlı bir neçə seminarlar, görüşlər, təlimlər təşkil edib. Hazırda da bu sahədə inkişafa nail olmaq üçün həmin məsələlər daim gündəmdədir. 

Məqalə Orta Asiya və Güney Qafqaz Söz Azadlığı Şəbəkəsi İctimai Birliyinin Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə həyata keçirdiyi "Təhsil müəssisələrində informasiya açıqlığının gücləndirilməsinə yardım göstərilməsi" layihəsi çərçivəsində hazırlanıb.

Britaniyadakı azərbaycanlı icması BQXK-ya müraciət edib
Azərbaycanda bir gündə koronavirusa yoluxma və ölüm sayı kəskin artdı
Köçəryan, Sərkisyan, diz çökdünüz qabağımızda - İlham Əliyev
BMT Qarabağda minaların təmizlənməsində Azərbaycana kömək edəcək
Qarabağa görə 2021-ci ilin dövlət büdcəsi dəyişdirilir - təhlil
Xəbər lenti
25/11/2020 [00:18]:
Vergi Məcəlləsində dəyişiklik edildi
24/11/2020 [23:29]:
Ramin Musayev: Dövlət icazə verərsə, kubokun finalını Qarabağda keçirmək istəyirik
24/11/2020 [22:42]:
33 obyektdə sanitariya-gigiyena tələbləri pozulub - rəsmi
24/11/2020 [22:09]:
İlham Əliyev Vladimir Putinlə Qarabağdakı vəziyyəti müzakirə edib
24/11/2020 [21:58]:
Xalq artisti Əjdər Həmidov vəfat edib
24/11/2020 [21:16]:
Bakı Kitab Mərkəzinə 100-dən çox ərəb dilində kitab hədiyyə olunub
24/11/2020 [20:37]:
Britaniyadakı azərbaycanlı icması BQXK-ya müraciət edib
24/11/2020 [20:11]:
“Brent” markalı neft 47 dollar həddini keçdi
24/11/2020 [19:36]:
Məhkəmə həbsdə olan sabiq icra başçısı ilə bağlı qərar verdi
24/11/2020 [19:01]:
Yeni tikilən binalara niyə qaz verilmir?
24/11/2020 [18:47]:
Bakıdakı “Təzə bazar” dekabrın 1-dək köçürüləcək
24/11/2020 [18:20]:
9 aya yol polisi 100 milyona yaxın cərimə yazıb
24/11/2020 [18:09]:
Azərbaycanda bir gündə koronavirusa yoluxma və ölüm sayı kəskin artdı
24/11/2020 [17:35]:
Noyabrın 25-ə hava proqnozu
24/11/2020 [16:38]:
Azərbaycan kubokunun püşkü atılıb
24/11/2020 [15:49]:
Çavuşoğlu: "Rusiya ilə münasibətlər Türkiyənin xarici siyasətinin vacib tərəfidir"
24/11/2020 [15:01]:
Azıx mağarasına aid arxeoloji tapıntılar Bakıya gətirildi
24/11/2020 [14:24]:
Dünyada koronavirusa yoluxanların sayı 59 milyon nəfəri ötdü
24/11/2020 [14:07]:
Azərbaycandakı banklar valyuta hərracında 63 milyon dollara yaxın vəsait cəlb ediblər
24/11/2020 [13:36]:
BQXK Qarabağdakı kontingentini 4 dəfə artırır
24/11/2020 [13:08]:
“Vətən Müharibəsi Qəhrəmanı” adının təsis edilməsi layihəsi qəbul edildi
24/11/2020 [12:49]:
ABŞ və Avropa İttifaqı münasibətləri müzakirə olunub
24/11/2020 [12:10]:
Köçəryan, Sərkisyan, diz çökdünüz qabağımızda - İlham Əliyev
24/11/2020 [11:57]:
Ermənistan Qarabağ ermənilərinə pul ayıracaq? - Rusiya KİV-ləri yazırlar
24/11/2020 [11:02]:
BMT Qarabağda minaların təmizlənməsində Azərbaycana kömək edəcək
Bütün xəbərlər...
Həftənin ən çox oxunanları
Qarabağda quruculuq işlərinə artıq start verildi - şərh
Azərbaycan Ordusunun bölmələri Ağdam rayonuna daxil olub - rəsmi
Ağdam yenidən ticarət mərkəzinə çevriləcək - təhlil
Azərbaycan cüdoçusu Praqada Avropa çempionu olub
Qulamhüseyn Əlibəyli: Humanizm yarımçıq ola bilməz...
Rusiya XİN: Ermənistan qoşunlarının Ağdam, Kəlbəcər və Laçından çıxarılması davam edir
Ordumuz Ağdama Azərbaycan Bayrağını sancıb - rəsmi
Azərbaycanla İordaniya arasında tarixi abidələrlərlə bağlı müzakirələr
Türkdilli ölkələrin beyin mərkəzlərinin görüşü Şuşada keçirilə bilər
Faiq Qarayev: “Dağlıq Qarabağda beynəlxalq yarışlara ev sahibliyi edəcəyik”
İstiqlal.az-ın arxivi
"İstiqlal.az"
Xəbər Portalı
e-mail: istiqlal.mmc@gmail.com
Copyright©2013 "İstiqlal.az" MMC
Materiallardan istifadə zamanı
www.istiqlal.az saytına
istinad zəruridir
X

Bəyənin və "İstiqlal.az"-ı Facebook lovhənizdən izləyin