Peşəkar media ilə normal münasibətlərin qurulması təhsil sektoru üçün prioritet məsələlərdəndir

10/08/2019 [09:08] - Cəmiyyət (101)



Bu istiqamətdə reallaşdırılan layihələrin sayının artması, eyni zamanda, vətəndaş cəmiyyəti ilə təhsil sahəsi arasında əlaqələrin daha da möhkəmlənməsini təmin edir - II yazı
Ötən yazımızda qeyd olunduğu kimi, artıq orta məktəbləri hədəfə alan "reket" jurnalistlərin əməllərinin  qarşısını almaq üçün məqsədyönlü və təsirli tədbirlər görülür. 

Bakı Şəhəri üzrə Təhsil İdarəsinin (BŞTİ) İctimaiyyətlə Əlaqələr sektorunun müdiri Bəşarət Məmmədovun qeyd etdiyi kimi, Təhsil Nazirliyində, Bakı Şəhəri üzrə Təhsil İdarəsində medianın suallarını operativ birbaşa cavablandırmaq üçün press@edu.gov.az, pressbaku@edu.gov.az elektron poçtları var: "Bizə müraciət edən və onları maraqlandıran bir məsələ barədə operativ məlumat almaq istəyən peşəkar media təmsilçilərini ora yönləndiririk və ən qısa zamanda onlara cavab verilir. Ancaq başqa məqsədlər güdən, bəzi "media" təmsilçisinə deyəndə ki, sizi maraqlandıran sualı həmin ünvanlara göndər, bu zaman bir çox halda məlum olur ki, onların heç elektron poçtları da yoxdur. Bəzi hallarda isə görürsən ki, ora yazmaqda maraqlı deyil, çünki onu hansısa məsələyə aydınlıq gətirmək maraqlandırmır".

Məktəb, təhsil sahəsi başqa məqsədlər güdən "jurnalist"lərin hansısa formada "marağı"nın təmin olunacağı məkan deyil 

Bəşarət Məmmədovun sözlərinə görə, onların, yəni "reket" jurnalistlərin məqsədləri hamıya, xüsusilə əsl media işçilərinə aydındır. Belə ki, onlar bir çox halda gedib direktorla və məsul şəxslə görüşməklə və müxtəlif metodlarla çirkin məqsədlərinə çatmaq istəyirlər: "Bu tip şəxslər gedib məktəb direktoruna  "bizim adamsan, sizin məktəbdən yazım, sizi tərifləyim" deməklə, təbii ki, özlərinin şəxsi maraqlarını güdürlər. Şükürlər olsun ki, biz də məsələlərdən kifayət qədər xəbərdar olduğumuz üçün onların qanunsuz fəaliyyətinə imkan yaratmırıq. Onlara bildiririk ki, müəllim, məktəb, təhsil sahəsi başqa məqsədlər güdən heç bir şəxsin hansısa formada "marağı"nın təmin olunacağı məkan deyil". 
Onu da qeyd edək ki, Bakı Şəhəri üzrə Təhsil İdarəsinin həmin şantaj, hədə və digər vasitələrlə fəaliyyət göstərənlərə, jurnalistikaya ləkə gətirənlərə qarşı mübarizədə tutduğu mövqe təqdirəlayiq olmaqla, öz müsbət nəticəsini verir. Belə ki, Bəşarət Məmmədovun sözlərinə görə, əvvəlki illərə nisbətən son illərdə "reket" KİV-in cəmiyyətin digər sahələri ilə müqayisədə təhsil sahəsinə, məktəblərə qarşı "hücumu" nisbətən azalıb: "Bunun başlıca səbəbini də son illərdə təhsil sahəsində şəffaflığın artmasında görürük. Çünki onların fəaliyyətinin genişlənməsi daha çox şəffaflıq olmayan yerlərdə mümkün olur. Beləliklə, təhsil sahəsində şəffaflıq artdıqca onların fəaliyyəti üçün heç bir münbit şərait qalmır". 

Təhsil sektorunda həyata keçirilən islahatlar ictimaiyyətlə əlaqə işinin daha səmərəli təşkilinə, vahid informasiya mübadiləsinin təmin olunmasına təkan verir 

Əlbəttə ki, mediadan uzaq bu cür şəxslərin məktəblərə "ayaq açması"nın qarşısının alınmasının bir yolu da məhz orta təhsil müəssisələrinin real, qanunları bilən və başqa məqsədlər güdməyən KİV-lə əlaqələrinin genişləndirilməsindən keçir. Öz növbəsində məktəblərin fəaliyyətinin ictimaiyyətə təqdim olunmasındakı şəffaflıq, açıqlıq və media ilə münasibətlərin perspektivi barədə məqamlara toxunan Bəşarət Məmmədov təhsil sektorunda həyata keçirilən islahatların ictimaiyyətlə əlaqə işinin daha səmərəli təşkilinə, vahid informasiya mübadiləsinin təmin olunmasına, informasiya açıqlığının gücləndirilməsinə təkan verdiyini və bu istiqamətdə atılan addımların yaxın gələcəkdə də öz uğurlu nəticəsini verəcəyini dilə gətirib. Sektor müdiri deyib ki, peşəkar media ilə münasibətlərin də bu istiqamətdə qurulması təhsil sektoru üçün prioritet məsələlərdən biridir: "Ümumiyyətlə, təhsil sahəsində əlaqələrə diqqət yetirəndə görürük ki, bu gün Təhsil Nazirliyi, Bakı Şəhəri üzrə Təhsil İdarəsi ilə bütün ciddi, peşəkar media arasında heç bir problem yoxdur. Əməkdaşlıqda biz də maraqlıyıq və qarşılıqlı səmərəli əməkdaşlığa görə bütün ciddi, peşəkar media qurumlarına, sözügedən media orqanlarında çalışan həmkarlarımıza təşəkkürümüzü bildiririk".

Məktəblərin fəaliyyəti ilə bağlı informasiyaların daha çevik, daha əhatəli şəkildə ictimaiyyətə təqdim olunması üçün addımlar atılır

Məktəblərlə bağlı faktların, təhsil ocaqlarında baş verən hadisələrin olduğu kimi, təhrif edilmədən təqdim olunmasının, bu sahədə şəffaflığın təmin olunmasının vacibliyini vurğulayan Bakı Şəhəri üzrə Təhsil İdarəsinin təmsilçisi təmsil etdiyi qurumun məktəb rəhbərləri üçün seminar və treninqlər keçirdiyini, KİV nümayəndələrinin təhsil müəssisələrinə mediaturlarının təşkil edildiyini xatırladaraq, ümumiyyətlə, media ilə işin düzgün qurulmasının və məktəblərin sosial şəbəkələrdə fəaliyyətinin işıqlandırılmasının artıq günün tələbi hesab edildiyini qeyd edib: "Biz ənənəvi, həmçinin ciddi reputasiyaya malik olan media orqanlarını maraqlandıran hər hansı məsələ və sual olarsa, onları cavablandırmağa hazırıq. Digər tərəfdən, 2015-ci ildən başlayaraq, xüsusilə Bakı şəhərində yerləşən məktəblər haqqında məlumatın birbaşa əldə edilməsi üçün hər bir məktəbin saytlarını yaratdıq. Bundan əlavə, 2016 və 2017-ci illərdə biz bütün məktəblərin sosial şəbəkələrdə səhifələrinin yaradılması istiqamətində işə başladıq. Bu işlərin görülməsində əsas məqsədlərdən biri bütün məktəblərin fəaliyyəti ilə bağlı informasiyaların daha çevik, daha əhatəli şəkildə ictimaiyyətə təqdim olunması idi". 
Beləliklə, sektor müdirinin qeyd etdiyi kimi, sonrakı müddətdə orta təhsil müəssisələrinin fəaliyyətinin sosial mediada işıqlandırılması yönündə müşahidələr göstərdi ki, məktəblərin saytları ilə yanaşı, məlumatların əlçatanlığı, geniş və operativ yayılması baxımından sosial medianın əhatə dairəsi daha genişdir. Bu baxımdan məktəb rəhbərlərinə sosial şəbəkələrdə məktəblərin səhifələrini yaratmaq və sosial mediadan daha geniş istifadə etmək barədə tövsiyələr, tapşırıqlar verilib. Eyni zamanda, Bakı Şəhəri üzrə Təhsil İdarəsi istər məktəb saytları, istər sosial mediadakı səhifələrlə bağlı bir neçə seminarlar, görüşlər, təlimlər təşkil edib. Hazırda da bu sahədə inkişafa nail olmaq üçün həmin məsələlər daim gündəmdədir. 

Məqalə Orta Asiya və Güney Qafqaz Söz Azadlığı Şəbəkəsi İctimai Birliyinin Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə həyata keçirdiyi "Təhsil müəssisələrində informasiya açıqlığının gücləndirilməsinə yardım göstərilməsi" layihəsi çərçivəsində hazırlanıb.

Dövlət satınalmalarında şəffaflıq məsələləri müzakirə olunub
“Ümumdünya QİÇS-lə mübarizə günü” mövzusunda tədbir
Ali Məhkəmə adı 30 milyonluq korrupiyada hallanan deputatın “ayağını basmır”
Büdcə kəsiri 19 milyon azaldılıb – şərh
Masallıda uşaq alveri ilə bağlı tədbir keçirilib
Xəbər lenti
08/12/2019 [23:59]:
6 minə yaxın etirazçı küçələrə çıxaraq yürüş edib
08/12/2019 [22:13]:
Şimali Koreya ABŞ-la nüvə silahı məsələsini müzakirə etməyəcək
08/12/2019 [21:45]:
Messi yeni rekord müəyyənləşdirib
08/12/2019 [20:52]:
Netanyahu Putinlə telefon danışığının təfərrüatlarını açıqlayıb
08/12/2019 [19:44]:
4,3 bal gücündə zəlzələ olub
08/12/2019 [18:36]:
Əhali bir ildə narkotik almağa azı 30 milyard avro xərcləyir
08/12/2019 [18:14]:
Dövlət satınalmalarında şəffaflıq məsələləri müzakirə olunub
08/12/2019 [17:43]:
Morales prezident seçkilərində partiyasının qərargahına başçılıq edəcək
08/12/2019 [17:10]:
Azərbaycan XİN Ukrayna xalqına başsağlığı verib
08/12/2019 [16:30]:
Azərbaycanda bu ərazilərdə 8-9 ballıq zəlzələlər baş verə bilər
08/12/2019 [15:52]:
Azərbaycan Ermənistanla bağlı BMT-yə növbəti dəfə müraciət etdi
08/12/2019 [15:22]:
Nazirdən şok: "İranı bombalamağa hazırıq"
08/12/2019 [14:50]:
İğtişaşlarda iştirak edən 77 nəfər saxlanılıb
08/12/2019 [14:23]:
Ən hərbiləşmiş, ən yoxsul ölkə: Ermənistan bahalı işğalın altında qalıb
08/12/2019 [13:54]:
"Həzi Aslanov" metrostansiyası bağlanır?
08/12/2019 [13:43]:
“Leviafan” filmi son on ilin “Ən yaxşı filmlər”i siyahısına daxil olub
08/12/2019 [13:17]:
Sudan qoşunlarını Yəməndən çıxaracağını açıqlayıb
08/12/2019 [12:49]:
Rusiya Ukrayna ilə qaz sazişi bağlamaq üçün şərtlərini açıqlayıb
08/12/2019 [12:22]:
Futbolçular rəhbərlikdən baş məşqçini istefaya göndərməməyi xahiş ediblər
08/12/2019 [11:41]:
Tikintidə əmək münasibətləri ilə bağlı aparılan monitorinqin nəticələri açıqlanıb
08/12/2019 [11:21]:
ABŞ və İran girov mübadiləsi həyata keçirib
08/12/2019 [10:54]:
Təhsil nazirinin müavini rüşvət aldığına görə həbs edilib
08/12/2019 [10:00]:
"Votford"a yeni baş məşqçi təyin edilib
07/12/2019 [23:59]:
Sakinlərə həftəsonu və tətillərdə evdə ölmək qadağan edildi
07/12/2019 [22:37]:
Azərbaycan taekvondoçuları Qran-pridə iki medal qazanıb
Bütün xəbərlər...
Həftənin ən çox oxunanları
Dizel qaçaqmalçılığı: Azərbaycana yüz milyonlarla ziyan vuran şəbəkə
İş və istirahət günlərinin yeri dəyişdirilib
Səfir: “BƏƏ ilə Azərbaycan arasında əməkdaşlıq və qarşılıqlı hörmət əsasında yüksək səviyyəli ikitərəfli münasibətlər mövcuddur”
Gənclərlə bağlı layihə yekunlaşdı
“Azəriqaz”da yeni təyinat olub
Bakı Dövlət Sirkində “Buz krallığı- Fantastik Sirk Şousu”
Nazirlər Kabinetinə yeni səlahiyyət verilib
Qazaxıstan səfiri: “İki ölkə arasında sıx dostluq münasibətləri mövcuddur”
Ançelotti gələn həftə qovula bilər
Hərbi qulluqçumuz vəfat edib
İstiqlal.az-ın arxivi
"İstiqlal.az"
Xəbər Portalı
e-mail: istiqlal.mmc@gmail.com
Copyright©2013 "İstiqlal.az" MMC
Materiallardan istifadə zamanı
www.istiqlal.az saytına
istinad zəruridir
X

Bəyənin və "İstiqlal.az"-ı Facebook lovhənizdən izləyin