Qüdrət Həsənquliyev: İslahatlar genişlənəcək

10/07/2019 [10:29] - Siyasət (133)



İslahatlar dərinləşdikcə müxalifətin də imkanları artacaq və siyasi sistemdəki rolu əhəmiyyətli dərəcədə genişlənəcək
Bütöv Azərbaycan Xalq Cəbhəsi Partiyasının sədri, millət vəkili Qüdrət Həsənquliyevin müsahibəsi


- Qüdrət bəy YAP-ın icra katibi Əli Əhmədovun parlament seçkilərinin vaxtında keçiriləcəyi barədə açıqlama verməsinə baxmayaraq bu barədə fikirlər hələ də dolaşmaqdadır.Siz necə düşünürsünüz növbədənkənar seçkilər keçirilə bilərmi və bunun hüquqi mexanizmi varmı?

- Hüquqi  baxımdan bu mümkündür. Konstitusiyanın 87-ci maddəsinin 3-cü bəndinə görə Milli Məclis 83 deputatının səlahiyyətləri təsdiq olunarsa səlahiyyətlidir. Əgər YAP iqtidar partiyası kimi növbədənkənar seşkilərin keçirilməsini zəruri hesab edib deputatlarına istefa verməyi tövsiyyə edərsə və onların istefasından sonra MM-in 83-dən az  deputatı qalarsa Prezident növbədənkənar seçkilərin keçirilməsi barədə qərar qəbul etməlidir. Məsələnin siyasi aktuallığına gəldikdə isə biz buna xüsusi ehtiyac görmürük, amma iqtidar tərəfindən belə qərar qəbul olunsa onu dəstəkləyəcəyik.
Biz ölkədə yeni Konstitusiyanın qəbulu üçün referendum keçirilməsini və növbəti seçkilərin proporsional seçki sistemi əsasında keçirilməsini daha zəruri və məqsədəuyğun hesab edirik.

- Yeni Konstitusiyada proporsional seçki sistemindən başqa daha hansı dəyişikliklər nəzərdə tutula bilər? 

- Ölkənin 2025-ci ildən parlamentli respulika modelinə keçirilməsi nəzərdə tutula bilər. Yox, hakim partiya buna getməyəcəksə, o zaman Nazirlər Kabineti ləğv olunmalı, bir vitse prezident vəzifəsi saxlanılmalıdır. Çoxpartiyalı sistemin inkişafı və parlamentdə fraksiyaların olması üçün Konstitusiyaya belə bir müddəa salınmalıdır ki, parlamentdə partiyaların sayı 3-dən və topladıqları səsdən asılı olmayaraq müxalifət partiyalarını təmsil edən deputatların sayı 30%-dən az ola bilməz. Bu normanın tətbiqi qaydası Seçki Məcəlləsi ilə tənzimlənə bilər. Bundan başqa, Konstitusiyaya Milli Məclisin səlahiyyətlərinin artırılması və məhkəmə hakimiyyətinin gücləndirilməsinə dair yeni normalar əlavə olunmalıdır.

- Qüdrət bəy hansı faktor iqtidarı növbədənkənar seçkilərin keçirilməsinə sövq edə bilər?

- Bizim bütün tənqidlərimizə baxmayaraq Azərbaycan güclənir və aparılan islahatlar bizi daha da güclü edəcək. Bunu bizim düşmənlərimiz də görür və bu onları çox ciddi narahat edir. Onlar Azərbaycanın müharibə yolu ilə torpaqlarını azad edəcəyindən, regionda daha nüfuzlu və cazibədar bir ölkəyə çevriləcəyindən qorxurlar. Ona görə də ölkəni on illərlə geri atmaq üçün xarici güclər əlaltılarının vasitəsilə sabitliyi pozmağa cəhd edə bilərlər. Uyğun zaman isə seçkilər dövrüdür. Etiraf etməliyik ki,sonuncu növbədənkənar prezident seçkiləri daxili və xarici pozucu qüvvələrin planlarını alt-üst etdi.O zaman bəzi şəxslər xeyli aktivləşmişdi. Səfirlərlə görüşlər, ictimai rəyə təsir edə biləcək şəxslərə pul və bahalı hədiyyələrin paylanması geniş vüsət almışdı. Düşünürdülər ki, növbəti prezident seçkilərində sabitlik pozulacaq və “dəmir ələ” ehtiyac yaranacaq, onlar da gəlib ermənilərin maraqlarına tam uyğun olaraq, onların xaricidən dəstəyi ilə buranı Türkmənistan edəcəklər. Bu kimi acı təcrübə növbədənkənar seçki qərarının verilməsini şərtləndirə bilər.

- Hazırda da belə bir plan ola bilərmi?

- Düşmənlər və hakimiyyət naminə hər şeyə hazır olan insanlar həm iqtidarda, həm müxalifətdə həmişə fəaliyyətdə olacaqlar. Son vaxtlar iqtidardakı bacarıqlı və prezidentə sadiq məmurlara qarşı əsassız gözdənsalma kompaniyası bunun əlamətləridir. Onların planlarını pozmaq isə hər bir vətənpərvər insanın, iqtidardakı sağlam qüvvələrin, xüsusilə Prezidentin borcudur. Güc strukturlarındakı son dəyişikliklərdən sonra daxildəki pozucu qüvvələr aktiv fəaliyyətə keçməzdən öncə bir daha düşünməli olacaqlar.

- Qüdrət bəy, qeyd etdikləriniz iqtidarı islahatlardan çəkindirməz ki?

- İslahatlar günün tələbidir.Prezident də söyləyib ki,idarəetmə təkmilləşdirilməli,i slahatlar dərinləşdirilməlidir. Bir qayda olaraq aşağıların təzyiqi  ilə aparılan islahatlar effekt vermir, ölkə xaosa sürüklənir. Ona görə də mən iqtidarı həmişə çağırıram ki, yuxarıdan islahatları həyata keçirsin. İqtidar zamanı əldən verirsə və xalq iqtidarı məcbur edirsə ki, islahatlar aparsın o zaman uğurlar belə iqtidarın ayağına yazılmır və növbəti tələblər irəli sürülür. Bunun nəticəsində isə mütləq və mütləq sabitlik pozulur. Düşünmürəm ki, hakimiyyət bunu bilməsin. Ona görə də islahatlar genişlənəcək.

- Qüdrət bəy parlament seçkilərində müxalifətin seçkiləri udmaq şansı varmı?

- Azərbaycanda vətəndaşlarımız siyasi baxımdan fəal deyil, müxalifət çox zəifdir. Sistemdən kənar müxalifət əsasən xaricdən idarə olunur və onlar yalnız hakimiyyətdə kiminsə maraqlarının təmin olunmasında katalizator rolunu oynaya bilər. Parlament müxalifəti isə indiki şərtlər altında yalnız növbəti parlamentdə fraksiyalar yaratmaq imkanları uğrunda mübarizə apara bilər. Düşünürəm ki, sağlam müxalifətin hazırda əsas vəzifəsi islahatların davam etdirilməsinə  və demokratiyanın genişləndirilməsinə dəstək vermək olmalıdır. İslahatlar dərinləşdikcə müxalifətin də imkanları artacaq və siyasi sistemdəki rolu əhəmiyyətli dərəcədə genişlənəcək. Sözsüz ki, hansısa mərhələdə müxalifət seçkiləri udacaq, partiyalar hakimiyyətdə bir-birini əvəz edəcəklər. Bunun üçün bizə zaman lazımdır.

Gələn ilin büdcəsində sosial xərclərin çəkisi 40 faizə çatır
Təhsil nazirinin müavini LDU-da yeni tələbə yataqxanasının açılışında iştirak edib
Prezident həmişə Naxçıvana xüsusi diqqət göstərib - Qüdrət Həsənquliyev
Fiziki qüsurlu uşaqlara psixoloji xidmət göstəriləcək - fotolar
Əli Kərimlinin mühafizəçisi həbs edildi – Məhkəmə
Xəbər lenti
18/09/2019 [23:58]:
Bu il Azərbaycan əhalisi 37 milyard manata yaxın gəlir əldə edib
18/09/2019 [22:43]:
Almaniya Səudiyyə Ərəbistanına qarşı silah embarqosunun müddətini uzadıb
18/09/2019 [21:44]:
10 kq-a yaxın narkotik vasitə dövriyyədən çıxarılıb
18/09/2019 [20:26]:
Həbsxana rəisi rüşvətə görə həbs olunub
18/09/2019 [19:31]:
Özbək ulduzlar Uluqbek Raxmatullayev və Yulduz Turdiyeva Bakıda
18/09/2019 [18:46]:
"Qoşulmama Hərəkatına sədrliyi Azərbaycana ötürəcəyik"
18/09/2019 [18:27]:
17 nəfəri ildırım vurub
18/09/2019 [17:53]:
Tehran – İstanbul dəmir yolu marşrutunun açılması ilə bağlı razılıq əldə olunub
18/09/2019 [17:36]:
Xalqının taleyini yaşayan dahi
18/09/2019 [17:22]:
Bədii gimnastika üzrə 37-ci dünya çempionatının üçüncü günü start götürüb
18/09/2019 [16:50]:
Antibiotiklərin satışına nəzarət artırılsın - TƏKLİF
18/09/2019 [16:35]:
Dövlət büdcəsindən icbari tibbi sığorta sisteminə ayrılan vəsait arta bilər
18/09/2019 [16:20]:
Əli Əhmədov: "XX əsrin ən möhtəşəm layihələrindən biri də məhz “Əsrin müqaviləsi” olub"
18/09/2019 [15:51]:
Dizel bahalaşıb
18/09/2019 [15:28]:
Azərbaycandan MDB ölkələrinə məhsul ixracının dəyəri artıb
18/09/2019 [15:14]:
Milli Konservatoriyada Milli Musiqi Günü qeyd edilib
18/09/2019 [14:48]:
ABŞ dövlət katibi Səudiyyə Ərəbistanına səfər edib
18/09/2019 [14:31]:
Onkoloji xəstələrin müalicəsi üçün ayrılan vəsaitin artırılması təklif olunub
18/09/2019 [14:18]:
Monitorinq insidentsiz başa çatıb
18/09/2019 [13:50]:
Azərbaycan və Gürcüstan elektrik enerji xətlərinin tikintisini müzakirə ediblər
18/09/2019 [13:47]:
30 min ağacın əkilməsini nəzərdə tutulan ağacəkmə kampaniyasına start verilib
18/09/2019 [13:38]:
“Ailə institutu və dini dəyərlərin vəhdəti” adlı maarifləndirmə tədbiləri keçirilib
18/09/2019 [13:37]:
Azərbaycan güləşçisi dünya çempionatında yarımfinala yüksəlib
18/09/2019 [13:15]:
Ramiz Mehdiyev Belarus Təhlükəsizlik Şurasının dövlət katibi ilə görüşüb
18/09/2019 [13:12]:
İran ABŞ-a nota verib
Bütün xəbərlər...
Həftənin ən çox oxunanları
Büdcə prosesində şəffaflığın təmin edilməsində mühüm addım – şərh
Bakıda Data Jurnalistikası kursu keçirildi
Sağlamlığımızı qorumaq üçün necə qidalanaq?
Ukrayna səfiri: “İkitərəfli münasibətlər dost və inam ruhunda qurulub”
Sabiq prezident milli qəhrəmanlar qəbiristanlığında dəfn olunacaq
Four Seasons Hotel Baku-ya yeni baş menecer təyin edilib
Prezident həmişə Naxçıvana xüsusi diqqət göstərib - Qüdrət Həsənquliyev
2019-cu il Taekvondo üzrə V Səfir Kubokunun təqdimatı olacaq
Təhsil nazirinin müavini LDU-da yeni tələbə yataqxanasının açılışında iştirak edib
Gələn ilin büdcəsində sosial xərclərin çəkisi 40 faizə çatır
İstiqlal.az-ın arxivi
"İstiqlal.az"
Xəbər Portalı
e-mail: istiqlal.mmc@gmail.com
Copyright©2013 "İstiqlal.az" MMC
Materiallardan istifadə zamanı
www.istiqlal.az saytına
istinad zəruridir
X

Bəyənin və "İstiqlal.az"-ı Facebook lovhənizdən izləyin