Güclü külək və leysan Azərbaycanın bəzi rayonlarında fəsadlar törətdi

27/05/2019 [15:22] - Gündəm (262)



Mayın 25-dən etibarən müşahidə olunan güclü külək və leysan Azərbaycanın şimal-qərb rayonlarında fəsadlar törədib.

Quba və Qusar rayonlarında bir neçə saat davam edən gülək nəticəsində daha çox elektrik və rabitə təsərrüfatına ziyan dəyib. Qaz xətləri, işıq dirəkləri sıradan çıxıb, külək çoxlu sayda ağacı yollara və yaşayış binalarının üstünə aşırıb. Quba şəhər 1 saylı orta məktəbin divarının üstünə iri gövdəli ağac aşıb, rayonun Zərdabi qəsəbəsində ağac evin üstünə aşaraq ziyan vurub. Şiddətli külək rayon mərkəzi ilə bərabər bir çox kəndlərdə bəzi yaşayış evlərinin, sosial obyektlərin, tövlə və yardımçı tikililərin dam örtüklərini dağıdıb.

Ötən gün Qusarın şəhər mərkəzi ilə bərabər kəndlərinin 70 faizə yaxın hissəsində elektrik enerjisinin nəqli dayanıb. Bundan əlavə, küləyin təsiri nəticəsində ağaclar aşıb, qaz xətti qırılıb, bəzi kəndlərə qazın verilməsi dayanıb. Qusar rayonunda əkin sahələrinə və meyvə bağlarına da böyük ziyan dəyib. Güclü külək şəhər 2 saylı və Yasab kənd orta məktəblərinin, o cümlədən, 20-dən çox evin dam örtüyünü uçurub.

Qax rayonunda güclü külək iri gövdəli ağacları aşırıb. Ötən gün axşam saatlarında əsən güclü külək nəticəsində irigövdəli ağaclar aşaraq elektrik naqillərini qırıb. Nəticədə rayonun Qorağan, Zəyəm, Lələli, Tasmalı və Turaclı kəndlərində elektrik enerjisi kəsilib.

Zaqatala rayonunda isə yaşayış evini ildırım vurub. Rayonun Aşağı Tala kənd sakini Ramazan Şabanova məxsus ikimərtəbəli fərdi yaşayış evi ildırım vurması nəticəsində yanıb. Hadisə yerinə FHN-in Zaqatala rayon DYMH-nin yanğınsöndürən maşınları və şəxsi heyəti cəlb olunub.Yanğın nəticəsində evin ikinci mərtəbəsində tavan hissəsi 12 kv.m. sahədə yanıb, evin qalan hissəsi yanğından mühafizə olunub. Hadisə nəticəsində ailə üzvlərindən xəsarət alan olmayıb.

Təbii fəlakət nəticəsində dağıntıların baş verdiyi rayonlarla əlaqə saxlayaraq hazırki vəziyyətlə bağlı məlumat almağa çalışdıq. Qusar RİH başçısının birinci müavini Şahid Fərəməzov bildirdi ki, küləyin törətdiyi dağıntılar hazırda tamamilə aradan qaldırılıb.

“Araşdırmalı bir şey yoxdur, nə var demişik. Nə ki ziyan dəyib, aradan qaldırılıb, yıxılan ağaclar götürülüb. Damı qırılan məktəblə bağlı Təhsil Nazirliyinə müraciət olunub və gəlib baxıblar və sair və ilaxır…” - icra rəsmisi suallarımıza əsəbi şəkildə cavab verərək telefonu söndürdü.

Qax RİH başçısının köməkçisi Cəlil Cəlilov isə  bildirib ki, təbii fəlakət rayona ciddi ziyan vurmayıb. Yalnız elektrik naqilləri qırılıb ki, bu da artıq təmir olunub. Rayonun bütün kəndlərinə elektrik enerjisinin verilişi bərpa olunub.

Quba RİH başçısının müavini, sosial-iqtisadi inkişafın təhlili və proqnozlaşdırılması şöbəsinin müdiri Xanlar Heybətov  bütün fəsadların aradan qaldırıldığını deyib.

“Bizim rayona elə də ciddi ziyan dəyməyib. Ağaclar, elektrik naqilləri qırılıb düşüb. Qubanın Kürgün kəndində yalnız bir evin damından 20-dək şiferi külək vurub atıb. Alpan kəndində bir tövlənin üzərindən şiferləri qopardıb. Dəymiş ziyan bundan ibarətdir. Qalanlar xırda hadisələrdir və tezliklə bərpa olunub”.

X.Heybətov həmçinin deyib ki, dolu düşmədiyinə görə, təsərrüfata da heç bir ziyan dəyməyib (Virtualaz.org).
Ermənilərin cavabını Müdafiə Nazirliyi verməlidir - Qulamhüseyn Əlibəyli
Pandemiyadan zərər çəkmiş sahələrə 533 milyon manat yardım edilib - rəsmi
Vətəndaş cəmiyyətinin pandemiya sınağı
Macarıstandakı azərbaycanlılar İlham Əliyevdən yardım istəyir - müraciət
Korrupsiya birbaşa milli təhlükəsizliyimizə təhdiddir - Qulamhüseyn Əlibəyli
Xəbər lenti
28/05/2020 [23:58]:
Ötən il Gürcüstanın qaz tələbatının 93%-ni Azərbaycan ödəyib
28/05/2020 [22:39]:
Avropa səhiyyəsi üçün 9,7 milyard avroluq proqram hazırlanıb
28/05/2020 [21:41]:
Azərbaycan ötən il Gürcüstanın əsas qaz təchizatçısı olub
28/05/2020 [20:32]:
"Qalatasaray" "Atletiko"nun müdafiəçisini istəyir
28/05/2020 [19:30]:
Azərbaycanda daha 191 nəfər koronavirusa yoluxdu
28/05/2020 [18:54]:
Gürcüstan koronavirus testindən keçməyən turistləri ölkəyə buraxmayacaq
28/05/2020 [18:30]:
Gürcüstan prezidenti Azərbaycan xalqını təbrik etdi
28/05/2020 [18:12]:
Vyetnam və Laos rəhbərləri Prezident İlham Əliyevi təbrik ediblər
28/05/2020 [17:50]:
Donald Tramp sosial medianı bağlayacaqlarını istisna etməyib
28/05/2020 [17:37]:
Ərdoğan Azərbaycan xalqını təbrik etdi
28/05/2020 [16:34]:
Əhali gəzintiyə qrafiklə çıxacaq
28/05/2020 [15:56]:
Pakistanın Baş Naziri İlham Əliyevə təşəkkür etdi
28/05/2020 [15:24]:
Fransada COVID-19 xəstələrinin sayı azalır
28/05/2020 [14:36]:
Azərbaycanda quraşdırılan elektron kassaların sayı 10%-dən çox artıb
28/05/2020 [13:42]:
Braziliyada bir gündə koronavirusa on minlərlə yoluxma qeydə alındı
28/05/2020 [13:40]:
Prezidentlə xanımı “Qobu Park - 3” yaşayış kompleksinin açılışını etdi
28/05/2020 [13:20]:
La Liqa üçün yeni təqvim təsdiqləndi
28/05/2020 [13:09]:
Mayk Pompeo Azərbaycan xalqını təbrik edib
28/05/2020 [12:48]:
Xəstəxanalarda koronavirusa yoluxmuş xəstə qalmayıb
28/05/2020 [12:17]:
Avstriya klubu millimizin futbolçusu ilə yollarını ayırdı
28/05/2020 [11:53]:
Kukla Teatrı sosial şəbəkədən “Çəkməli pişik” tamaşasını nümayiş etdirəcək
28/05/2020 [11:31]:
COVİD-19 pandemiyası: ümid hazırda bir dərmana qalıb
28/05/2020 [11:20]:
Prezident “İstiqlal abidəsi”ni ziyarət etdi
28/05/2020 [10:45]:
4 ayda banklardan 8 milyard dollar əmanət çıxarılıb
28/05/2020 [10:00]:
Aİ Belarusla viza rejiminin sadələşdirilməsi sazişini təsdiqləyib
Bütün xəbərlər...
Həftənin ən çox oxunanları
Ermənilərin cavabını Müdafiə Nazirliyi verməlidir - Qulamhüseyn Əlibəyli
Ramin Bayramlı: "Gələn ay iri ticarət mərkəzlərinin açılması gündəmdədir"
Seyid Əzim Şirvaninin qəzəllərinin özbək dilinə tərcüməsi başa çatıb
Sirli koronavirus insan orqanizmini necə məhv edir...
Bu Gün Beynəlxalq Çay günüdür
Oksford Universiteti koronavirusa qarşı peyvənd sınaqlarının ikinci mərhələsinə başlayıb
Aİ-nin turizm nazirləri videokonfrans keçiriblər
Məhəmməd Əmin Rəsulzadənin 1907-ci ildə çəkilmiş fotosu – Stalinlə dost olduğu, “Hümmət”ə üzv olduğu zamanlar
Mədəniyyət Nazirliyinin tabeliyindəki müəssisələrdə “açıq qapı” günləri təşkil olunacaq
Prezident və xanımı Şamaxıda Pir Ömər Sultan ziyarətgahında bərpa-konservasiya işləri ilə tanış olub
İstiqlal.az-ın arxivi
"İstiqlal.az"
Xəbər Portalı
e-mail: istiqlal.mmc@gmail.com
Copyright©2013 "İstiqlal.az" MMC
Materiallardan istifadə zamanı
www.istiqlal.az saytına
istinad zəruridir
X

Bəyənin və "İstiqlal.az"-ı Facebook lovhənizdən izləyin