“Almaniyada mənim və anamın adına bank hesabları var” - Hüseyn Abdullayev

25/04/2019 [19:14] - Cəmiyyət (284)



Bakı Hərbi Məhkəməsində 2018-ci ilin aprel ayında Türkiyədə saxlanılaraq Azərbaycana təhvil verilən, qanunsuz sahibkarlıq, dələduzluq, hədə-qorxu ilə tələb etmə və vergidən yayınma kimi əməllərdə ittiham olunan sabiq deputat Hüseyn Abdullayev və anası Zeynəb Abdullayevanın cinayət işi üzrə növbəti məhkəmə prosesi keçirilib.

Virtualaz.org-un xəbərinə görə, Abdullayevlərlə birgə məhkəmə qarşısına daha 7 nəfər – Həbib İbrahimov, Xalid Əliyev, Namiq Babayev, İntiqam Süleymanov, Pərviz Kazımov, Zaur Quliyev və Nazim Əliyev çıxarılıb. Adları çəkilən şəxslər arasında sərhədçilər də var.

Prosesdə sabiq deputat ifadə verib. O, elan olunmuş ittihamlarla özünü təqsirli bilmədiyini, ötən ilin aprelində Türkiyədə qanunsuz olaraq saxlanıldığını və Azərbaycan hüquq-mühafizə orqanlarına təhvil verildiyini deyib: “Mən "İnterpol" xətti ilə axtarışa verilməmişdim. Məhkəmədən, dövlət ittihamçısından xahiş edirəm ki, mənə qarşı irəli sürülən ittihamı izah edin. Deyin görək metal, pul məsələləri ilə bağlı ittihamlar hardan gəlir, səbəb nədir? Yazılıb ki, guya 2000-2018-ci illər ərzində metal biznesi ilə məşğul olmuşam, qazanc əldə edib vergidən yayınmışam. Hamısı əsassızdır. Mən metal biznesi ilə 1991-1998-ci illərdə məşğul olmuşam. Ən çox mal ixrac edən biznesmenlərdən biri mən idim”.

H.Abdullayev ifadəsində ölkənin ilk milyonçularından biri olduğunu söyləyib: “1991-ci ildə Culfa ilə İran sərhəddində geniş ticarət əlaqələri qurdum, biznesimi davam etdirdim. Naxçıvan Muxtar Respublikası ağır blokadada olanda İnkişaf və Müdafiə Fondunun əsas sponsorlarından biri mən olmuşam. Əsgərləri geyim və ərzaqla təmin etmişəm. Bununla hər zaman fərx etmişəm. Diqqətinizə çatdırım ki, ölkənin rəsmi olaraq ilk milyonçularından biri olmuşam".

Sabiq deputat həmçinin ifadəsində hədə-qorxu ilə kimdənsə pul tələb etmədiyini göstərib: “Hansı imkanlara sahib olduğumu qeyd etdim. Sizcə, belə bir adam kimdənsə hədə-qorxu ilə 3 min manat tələb edər? Mən o günə qalmışam? Mənim anamın və atamın adına olan mülklərin qanunsuz yollarla əldə edilmiş pullarla alındığı yazılıb. Axı bu qədər ədalətsizlik, haqsızlıq, belə bir biabırçılıq olmaz".

H.Abdullayev ifadəsində İsveçrə və Almaniyada özünün və anasının adına bank hesabları olduğunu deyib. Həmin pulları isə qanuni yollarla qazandığını söyləyib: “Bu mənim alın tərimdir. Vergini vaxtlı-vaxtında ödəmişəm. Mənə ilk ittiham Nəriman Nərimanovun heykəlinin yanındakı başıbəlalı binaya görə verilib. 2005-ci ildə deputat seçildiyim üçün qanun mənə bizneslə məşğul olmağa icazə vermirdi. Buna görə də biznesimi anamın və atamın adına keçirdim. Bu işi onlar davam etdirdilər. O ərəfədə isə cəmi bir bina tikdilər. Həmin binanın bütün ödənişləri edilib, vergilər ödənilib. Anam o tikintiyə görə 1,8 milyon manat vergi ödəyib. Amma 2013-cü ildə mənə buna görə cinayət işi başlanıldı, vergini ödəmədiyim deyildi. Məbləği görməzdən gəlib cinayət işinə xitam vermədilər. Bütün bunlardan sonra mən məcbur qalıb doğma yurdumdan, çox sevdiyim Azərbaycanımdan didərgin düşdüm".

H.Abdullayev ifadəsinin bu hissəsində kövrəlib və göz yaşlarını saxlaya bilməyib. Daha sonra ifadəsində 2013-cü ildə Almaniyadan siyasi sığınacaq aldığını deyib. masından danışıb: "Mənə qarşı olan qanunsuz təzyiqlərdən sonra sığınacaq istədim. Almaniya hökuməti də sağ olsun ki, ədalətli araşdırma aparıb razılıq verdi".

"Buradakı adamların çoxu məni ya deputat, ya da bəzi mahnıların bəstəkarı kimi tanıyır. Vaxtilə dəstək verdiyim, kömək etdiyim insanlar bunları unutdular. Buna görə təəssüflənmirəm. Hamının nəzərinə çatdırmaq istəyirəm ki, mən bütün gəncliyimi dövlətçiliyimizə qurban vermişəm. Onun möhkəmlənməsinə, qorunub saxlanmasına xidmət etmişəm. Ölkədə kriminal dəstələrin baş qaldırdığı zamanda özümün, ailəmin həyatını təhlükəyə ataraq fəaliyyət göstərmişəm. Heç vaxt buna görə peşman olmamışam. Hamı bilsin ki, bircə dəfə də olsun dövlətimizə xəyanət etməmişəm. Dövlətçiliyin əleyhinə bir addım belə atmamışam. Mənə olan təzyiqlərin nəticəsi olaraq atamı itirdim, əmlaklarım zəbt edildi. Bütün bunları Allah götürməz. Məhkəmənin ədalətinə inanıram”- sabiq deputat ifadəsində göstərib.

Xatırladaq ki, cinayət işi 14 fevral 2018-ci ildə, müxtəlif adamların şikayətləri əsasında başlanıb. 2006-cı ildən H.Abdullayevin nəzarətində olan "Araz-İnşaat” ASC ilə bağlı araşdırma aparılıb, səhmdarlara yalan məlumat verilməklə, 1 milyon 374 min manatlıq gəlir mənimsənilib.

İstintaq materiallarında qeyd edilib ki, “Araz-İnşaat” ASC-nin səhmlərinin 99,03 faizi H. Abdullayevin anası Zeynəb Abdullayevaya məxsusdur. “Araz İNC” MMC-nin təsisçisi H. Abdullayevin atası Abbas Abdullayev, faktiki idarəçi isə sabiq deputatın özü olub.

İttihama görə, Z.Abdullayevanın ölkədən çıxışına qadağa olmasına baxmayaraq, o, bacısının pasportu ilə bir neçə dəfə ölkədən çıxıb və bir müddət sonra geri qayıdıb.

Cinayət məsuliyyətinə cəlb olunanlar arasında sərhədçilərlə yanaşı, Z.Abdullayevanı maşınla sərhəd məntəqəsinə aparmış N.Əliyev də var.

İş üzrə zərərçəkmiş şəxs qismində 28 nəfər tanınır.
DTX-nin Neftçala əməliyyatından hər bir vəzifəli şəxs nəticə çıxarmalıdır - Qüdrət Həsənquliyev
DTX Neftçaladakı əməliyyatla bağlı məlumat yaydı - 6 nəfər həbs edilib
Xocalı soyqırımı bağlı Dənizli şəhərində silsilə tədbirlər keçiriləcək
Əfv Komissiyasında tərkibində dəyişiklik gözlənilir- Mehdiyev və Axundova yola salınır
28-ci saylı Sabunçu seçki dairəsindən 6 namizədin birgə bəyanatı
Xəbər lenti
22/02/2020 [14:24]:
Koronavirusdan yenə onlarla ölüm hadisəsi baş verdi
22/02/2020 [13:51]:
Səfir: “Ötən il Küveytdən Azərbaycana 50 mindən çox turist gəlib”
22/02/2020 [13:50]:
Musiqili Teatrda “Beş manatlıq gəlin” komediyasının premyerası olacaq
22/02/2020 [13:17]:
Həbsxanada qiyam, ölənlər və yaralananlar var
22/02/2020 [12:59]:
Azər Qərib: “80 yaşımda deputat olmaq arzum yaransa…”
22/02/2020 [12:47]:
ABŞ “Patriot”un müvəqqəti olaraq Türkiyədə yerləşdirilməsinə qərar verməyib
22/02/2020 [12:35]:
Rusiya XİN rəhbəri niyə Tiflisə getmək istəmir?
22/02/2020 [11:54]:
ABŞ kəşfiyyatı Rusiyanın 2020-ci ildə Trampa yenə dəstək verəcəyini iddia edib
22/02/2020 [11:17]:
Tuhelin əvəzinə iki namizəd var: Alleqri və ya Sarri
22/02/2020 [10:47]:
Serj Sarkisyanı onun təyin etdiyi hakim mühakimə edəcək…
22/02/2020 [10:00]:
İranda koronavirus yayıldı: İraq sərhədlərini bağladı
22/02/2020 [00:52]:
DTX-nin Neftçala əməliyyatından hər bir vəzifəli şəxs nəticə çıxarmalıdır - Qüdrət Həsənquliyev
21/02/2020 [23:58]:
BMT-dən Türkiyəyə çağırış: “Daha çox qaçqın qəbul edin”
21/02/2020 [22:22]:
Koronavirusa məhəl qoymadan azərbaycanlılar İrana axışır
21/02/2020 [21:32]:
"Putinlə telefon danışığımızın nəticələri mövqeyimizi müəyyənləşdirəcək" - Ərdoğandan İdlib açıqlaması
21/02/2020 [20:55]:
“Facebook” külli miqdarda vergidən yayınıb
21/02/2020 [19:41]:
“Google” yeni "Android" versiyasını təqdim etdi
21/02/2020 [18:54]:
“Qeyri-infeksion xəstəliklərin idarəolunması” mövzusunda təlimçilər üçün təlim keçirilib
21/02/2020 [18:38]:
Pantomima Teatrı “Underground”u yenindən göstərəcək
21/02/2020 [17:55]:
DTX Neftçaladakı əməliyyatla bağlı məlumat yaydı - 6 nəfər həbs edilib
21/02/2020 [17:28]:
Xocalı soyqırımı bağlı Dənizli şəhərində silsilə tədbirlər keçiriləcək
21/02/2020 [17:24]:
Rusiya XİN: Türkiyə hakimiyyəti ilə daimi əlaqədəyik
21/02/2020 [16:52]:
Kitabxanada Xocalı soyqırımına həsr olunmuş sərgi açılıb
21/02/2020 [15:49]:
Asmir Beqoviç: "Qarabağ"da hər şey əla idi"
21/02/2020 [14:40]:
Ali Komissar çağırış etdi
Bütün xəbərlər...
Həftənin ən çox oxunanları
Elmira Axundovaya "pul daşıyan" şəxsin fotosu yayılıb?
Əfv Komissiyasında tərkibində dəyişiklik gözlənilir- Mehdiyev və Axundova yola salınır
MSK sədri seçki məntəqələrində baş verən pozuntulardan danışdı
28-ci saylı Sabunçu seçki dairəsindən 6 namizədin birgə bəyanatı
Qlobal istiləşmə Rusiya və Kanadanı dünyada qida məhsullarının əsas istehsalçılarına çevriləcək
İlham Əliyev və Nikol Paşinyanın görüşü olub
Azərbaycanın bank sektorunun aktivlərinin gəlirliliyi artıb
Zəngilan və Qubadlıdan olan xanımlar Mehiban Əliyevaya müraciət etdi
Bakıda daha bir marşrut xəttində yeni avtobuslar
Faydalı hesab etdiyimiz bu qida XƏRÇƏNGƏ SƏBƏB OLUR
İstiqlal.az-ın arxivi
"İstiqlal.az"
Xəbər Portalı
e-mail: istiqlal.mmc@gmail.com
Copyright©2013 "İstiqlal.az" MMC
Materiallardan istifadə zamanı
www.istiqlal.az saytına
istinad zəruridir
X

Bəyənin və "İstiqlal.az"-ı Facebook lovhənizdən izləyin