İkinci körfəz böhranı: dünyanın enerji təhlükəsizliyinə təhdid yaranıb

06/12/2018 [16:34] - Dünya (139)



Fars körfəzində gərginliyin artması dünyanın enerji təhlükəsizliyinə təhdid yaradır. ABŞ-İran qarşıdurmasının hərbi toqquşma səviyyəsinə qədər yüksələcəyi təqdirdə dünya bazarında neftin qiymətinin yüksəlməsi ilə yanaşı, bir sıra dövlətlərin enerji sistemi də təhlükə altında qalacaq.

AZƏRTAC-ın xəbər verdiyi kimi, İran Prezidenti Həsən Ruhaninin “Əgər İranın dünya bazarına neft çıxarıb satmaq imkanları məhdudlaşsa, onda heç kim neft ixrac edə bilməyəcək” bəyanatından sonra ABŞ Fars körfəzinə hərbi donanma göndərib. Ağ evdə Həsən Ruhaninin sözlərini aydın başa düşürlər. O demək istəyir ki, İran Hörmüz boğazını bağlaya bilər və nəticədə ABŞ-ın müttəfiqləri olan körfəz ölkələri də neft ixrac etmək imkanından məhrum edirlər.

Tərəflər arasındakı qarşılıqlı “söz atışmasının” hərbi ritorikaya keçməsi ABŞ dövlət departamentinin İran üzrə nümayəndəsi Brayn Hukun bəyanatından başladı. O bildirdi ki, “Vaşinqton İran probleminin hərbi yolla həll edilməsi hüququnu özündə saxlayır. İran başa düşməlidir ki, bizim maraqlarımız təhlükə altında qalsa, hərbi güc tətbiq edəcəyik”.

B.Hukun bu bəyanatı cavabsız qalmadı. İran İslam İnqilabı Keşikçiləri Korpusunun generalı Əmir Əli Hacızadə bildirdi ki, Vaşinqton heç də öz gücünə arxayın olmasın: “ABŞ-ın fars körfəzindəki təyyarədaşıyan gəmisi, Qətərdəki Əl-Udeyd, Birləşmiş Ərəb Əmirliklərindəki Əl-Dafra və Əfqanıstanın Qəndəhar şəhərindəki hərbi bazaları bizim raketlərin hədəfindədir”.

ABŞ-ın “The National Interest” jurnalı tərəflərin hərbi potensialını araşdıraraq yazır ki, ABŞ Fars körfəzində İranla silahlı münaqişəyə girsə böyük risklərlə qarşılaşacaq. ABŞ-ın körfəzdəki gəmiləri və regiondakı bazaları İran raketlərinin dağıdıcı zərbəsinə tuş gələcək. İranın sualtı qayıqları, ballistik raketləri böyük təhlükə yaradır. Jurnal diqqətə çatdırır ki, İranın “Səcl” və “Xələc-Farsi” ballistik raketləri 2500 kilometr məsafədə hədəfi vurmaq imkanına malikdir. Sualtı qayıqları təyyarədaşıyan gəmiləri asanlıqla batıra bilər. Bundan əlavə isə İranın Rusiya istehsalı olan zenit raket kompleksi də var ki, bu da idarəedilən raketlərlə uzaq məsafəli hədəflərə zərbə endirmək imkanı yaradır. Jurnal iranlı generalın sözlərini əhatəli şəkildə təqdim və təsdiq edib.

Jurnalda dərc edilən həmin materialdan sonra İran əlavə olaraq “Səhənd” və “Qədr” hərbi gəmilərini də Fars körfəzindəki hərbi donanmasının istifadəsinə verdi. Bütün bunların ABŞ tərəfindən nəzərə alınmadığını iddia etmək olmaz. Bəs belə olan halda, ABŞ öz hərbi donanmasını hansı zəruri səbəbə əsasən Fars körfəzinə göndərir?

Siyasi müşahidəçilər qeyd edirlər ki, ABŞ-ın körfəzdə hərbi iştirakı həmişə olub. Lakin bu dəfə məqsəd ondan ibarətdir ki, təxribat xarakterli hər hansı bir insident yaradılsın və bununla da iqtisadi və diplomatik təzyiqlə yanaşı, İrana qarşı hərbi təzyiq də göstərsin. Qısası, ABŞ İrana hədə-qorxu gəlir. İran da öz növbəsində bu hədə-qorxunu cavabsız qoymur.

Hələlik ABŞ-ın hərbi donanması Fars körfəzinə doğru irəliləyir. Donanmanın körfəzə girəcəyi təqdirdə İranın hansı addımlar atacağını zaman göstərəcək. Bəri başdan yalnız onu demək olar ki, əgər körfəzdə hər hansi silahlı qarşıdurma baş versə, onda dünyanın enerji təhlükəsizliyi təhdid altına düşəcək. Bunun günahkarının ABŞ və ya İran olması isə sadə insanlar üçün bir o qədər maraq kəsb etməyəcək.
“Azərbaycan Diaspor Könüllüləri” proqramı təqdim olundu
“Nikah müqaviləsi”nin mahiyyəti və verdiyi təminatlar - fotolar
Aprelin 25-ə hava proqnozu
Bakı Neft Emalı Zavodu təmirə dayandırılacaq
Memarlar etiraz edirlər: Bakıda bu binanı sökmək olmaz!
Xəbər lenti
24/04/2019 [23:38]:
“Azərbaycan Diaspor Könüllüləri” proqramı təqdim olundu
24/04/2019 [23:29]:
“Space” telekanalı efirdə ədəbsiz ifadələrə görə cərimələndi
24/04/2019 [22:41]:
FIFA 7 futbolçunu ömürlük futboldan uzaqlaşdırıb
24/04/2019 [21:34]:
Həsən Ruhani: ABŞ-ın dünya neft bazarına nəzarət edəcək gücü yoxdur
24/04/2019 [20:44]:
“Nikah müqaviləsi”nin mahiyyəti və verdiyi təminatlar - fotolar
24/04/2019 [20:18]:
Aprelin 25-ə hava proqnozu
24/04/2019 [19:07]:
Bakı Neft Emalı Zavodu təmirə dayandırılacaq
24/04/2019 [18:46]:
AMEA-da kadr təyinatları olub
24/04/2019 [17:52]:
ABŞ-ın Yerevandakı səfiri “soyqırım” tədbirində erməniləri məyus etdi
24/04/2019 [16:41]:
Memarlar etiraz edirlər: Bakıda bu binanı sökmək olmaz!
24/04/2019 [15:35]:
Azərbaycan neftinin qiyməti 77 dollara yaxınlaşıb
24/04/2019 [14:29]:
Azərbaycanda DNT analizinin aparılması qaydası müəyyənləşib
24/04/2019 [13:18]:
İlham Əliyev Çində işgüzar səfərdədir
24/04/2019 [11:47]:
Azərbaycanda qızıl və gümüş ucuzlaşıb
24/04/2019 [10:14]:
Ramil Usubov Ziya Məmmədovun qardaşı oğluna yüksək vəzifə verdi
24/04/2019 [08:34]:
TAİB-in İstanbulda tanışma proqramı düzənlədi
24/04/2019 [08:27]:
"Prezidentliyə namizədliyimlə bağlı çağırışlar təxribat xarakterlidir" – Mübariz Mənsimov
24/04/2019 [00:01]:
Aprelin 24-ə hava proqnozu
23/04/2019 [23:37]:
Elina Hacıyevanın anasının müdafiəsinə üç vəkil qoşulub
23/04/2019 [21:39]:
Ən zəngin xəzinə kitabdır - Fotolar
23/04/2019 [21:29]:
Azərbaycan daxili işlər orqanlarında növbəti təyinat olub
23/04/2019 [20:22]:
Azərbaycan XİN BMT-yə etirazını bildirib
23/04/2019 [20:09]:
Qubada yeniyetmə qız özünü körpüdən atıb
23/04/2019 [19:17]:
Kraliça II Elizabet Trampı Britaniyaya dəvət edib
23/04/2019 [17:48]:
Müdafiə Nazirliyinin nümayəndə heyəti Beynəlxalq Təhlükəsizlik Konfransında iştirak edir
Bütün xəbərlər...
Həftənin ən çox oxunanları
Fuad Qəhrəmanlının qızına hücum edənə 15 sutka həbs cəzası verilib - yenilənib
Sumqayıt icra başçısının əmisi oğlu da qadına hücum etdi
Elinanın ölümündə günahlandırılan Xalidə Bayramova açıqlama yaydı
Fuad Qəhrəmanlının qızına hücumla bağlı DİN-dən açıqlama
İlham Əliyev 4 sərəncam, 2 fərman imzaladı - yenilənib
Avroliqada yarımfinalçılar müəyyənləşdi
Bədənində 152 tikiş olan Aprel qazisi: 12 kvadratmetrlik otaqda qalırıq
Meriya 100 min insanın rahatlığını "Formula-1"ə qurban verdi - şərh
ABŞ səfiri Qarabağ müzakirələri və Azərbaycandakı islahatlar haqda
Aprelin 20-ə hava proqnozu
İstiqlal.az-ın arxivi
"İstiqlal.az"
Xəbər Portalı
e-mail: istiqlal.mmc@gmail.com
Copyright©2013 "İstiqlal.az" MMC
Materiallardan istifadə zamanı
www.istiqlal.az saytına
istinad zəruridir
X

Bəyənin və "İstiqlal.az"-ı Facebook lovhənizdən izləyin