Azərbaycanın yeni ombudsmanının adı dəqiqləşdi - yenilənib

02/12/2018 [00:13] - Siyasət (571)



Səlahiyyət müddəti 2017-ci il martın 5-də bitən İnsan hüquqları üzrə müvəkkil (ombudsman) Elmira Süleymanovanın yerinə, nəhayət ki, namizəd tapılıb. Bu barədə “AzPolitika.info”ya məlumat hökumətə yaxın mənbələrdən daxil olub.

Məlumata görə, ombudsman vəzifəsinə Yeni Azərbaycan Partiyası Siyasi Şurasının üzvü, YAP Nəsimi rayon təşkilatının sədri, 21 saylı Nəsimi birinci seçki dairəsindən deputat Məlahət İbrahimqızının (Həsənova) seçiləcəyi gözlənilir. Bununla bağlı artıq yekun qərar verilib və yaxın vaxtlarda onun namizədliyi Milli Məclisə təqdim olunacaq.

Qeyd edək ki, 2002-ci və 2010-cu illərdə İnsan hüquqları üzrə müvəkkil seçilən 81 yaşlı Elmira Süleymanovanın səlahiyyət müddəti 2017-ci il martın 5-də bitib.

“İnsan hüquqları üzrə müvəkkil (ombudsman) haqqında” Qanuna əsasən, müvəkkil 7 il müddətinə seçilir və eyni şəxs müvəkkil vəzifəsinə iki dəfədən artıq seçilə bilməz. Elmira Süleymanova da iki dəfə ombudsman seçildiyindən, qanun onun səlahiyyət müddətini artırmağa imkan vermir. Qanunvericilikdə qeyd edilib ki, müvəkkilin səlahiyyətlərinin bitməsinə 30 gün qalmış Azərbaycan Prezidenti Milli Məclisə yeni müvəkkilin seçilməsi üçün üç şəxsin namizədliyini təqdim edir. Milli Məclis 15 gün müddətində müvəkkilin seçilməsi ilə bağlı müvafiq qərar qəbul edir. Yalnız ombudsmanın yerinə yeni namizəd verilmədikdə o,  öz vəzifəsində qala bilir.

Belə ki, Konstitusiyaya məhdudiyyətin götürülməsi ilə bağlı 2009-cu ilin martın 18-də edilən dəyişikliyə əsasən, səlahiyyət müddəti başa çatan müvəkkilin yerinə yeni şəxs seçilənə qədər o, öz vəzifəsinin icrasını davam etdirir. Səlahiyyət müddəti başa çatan Elmira Süleymanova da məhz yerinə namizəd verilmədiyindən hələ də ombudsman vəzifəsində qalır.

Ancaq artıq həm yaşı, həm də səhəti ona vəzifəsini tam icra etməyə imkan vermir. Təsadüfi deyil ki, ötən il Elmira Süleymanova illik məruzə ilə çıxış etdikdən sonra, deputatlar onun fəaliyyətini sərt şəkildə tənqid etmişdilər. Bu baxımdan xeyli vaxtı idi ki, ombudsman vəzifəsinə yeni bir şəxsin seçilməsi gözlənilirdi.  Təyinat-seçkinin gecikməsi isə hakimiyyəti təmin edəcək uyğun namizədin tapılmaması ilə bağlanılırdı.

“AzPolitika.info”ya verilən məlumatdan belə məlum olur ki, artıq namizəd tapılıb. Yaxın vaxtlarda Məlahət İbrahimqızının ombudsman vəzifəsinə təqdim olunacağı gözlənilir.

Qeyd edək ki, Məlahət Həsənova 1958-ci il aprelin 25-də Ermənistan Respublikası Basarkeçər rayonunun Kiçik Məzrə kəndində anadan olub. Azərbaycan Dövlət Tibb İnstitutunun pediatriya fakültəsini və Bakı Dövlət Universitetinin hüquq fakültəsini bitirib. 1982-ci ildən Bakıda uşaq poliklinikasının həkimi, 1992-ci ildən baş həkimi olmuş, 1998–2000-ci illərdə Azərbaycan Respublikasının Qadın Problemləri üzrə Dövlət Komitəsi sədrinin birinci müavini vəzifəsində çalışmışdır.

2000-ci ildən bu yana 4 çağırışdır Azərbaycan Respublikası Milli Məclisinin deputatıdır.  Tarix elmləri namizədidir. Azərbaycan Respublikasının Prezidenti yanında Əfv məsələləri üzrə komissiyanın üzvüdür. 27 aprel 2018-ci ildə Azərbaycan Respublikasının ictimai-siyasi həyatında fəal iştirakına görə Məlahət İbrahimqızı “Şöhrət” ordeni ilə təltif olunub. Evlidir, 2 övladı var.

***

Deputat Məlahət İbrahimqızı onun ombudsman vəzifəsinə təyin olunacağı haqda “AzPolitika”nın məlumatına anlaşılmaz şəkildə çox sərt reaksiya verib. Deputat saytımıza telefon açaraq yazının dərhal götürülməsini tələb edib, əks halda məhkəməyə verəcəyini bildirib: “Mən başımı aşağı salıb işimi görürəm, bilmirəm bunu nə məqsədlə edirlər…”

Onun mövqeyinin yazıya əlavə olunması təklifi isə deputatı daha da hiddətləndirib. “Götürmək istəməməyiniz onu göstərir ki, bu xəbəri məqsədli şəkildə veribsiniz və qərəzlisiniz. Mən onsuz da jurnalistlərə müsahibə verəcəm… Siz necə istəyirsiniz elə də edin. Amma mən anladım ki, bu qərəzli məqalədir…”

Hörmətli deputatımızın ombudsman təyin olunacağı haqda xəbərə belə sərt reaksiyasını anlamaq çətindir. Kifayət qədər ciddi hökumətdaxili mənbə tərəfindən ötürülən bu məlumat, mümkündür ki, təsdiq olunmasın. Amma istənilən halda bu, hörmətli deputatımızın işgüzar və ictimai nüfuzuna qətiyyən xələl gətirməyəcək. Əksinə, hətta onun personasına diqqət və marağı bir qədər də artıra bilər…

Bu baxımdan hətta yanlışdırsa da belə, Məlahət xanımın bu xəbəri yumşaq bir dillə təkzib etməsi daha məntiqli görünə bilərdi. Lakin o, səbəbi anlaşılmayan bir həyəcan nümayiş etdirir və bir daha qeyd edirik ki, bunu anlamaq çətindir. Yox, belə hesab olunursa ki, məlumatın vaxtından əvvəl yayılması işi poza bilər… bu artıq bizim problemimiz deyil…

Azpolitika.info
“Azərbaycan Diaspor Könüllüləri” proqramı təqdim olundu
“Nikah müqaviləsi”nin mahiyyəti və verdiyi təminatlar - fotolar
Aprelin 25-ə hava proqnozu
Bakı Neft Emalı Zavodu təmirə dayandırılacaq
Memarlar etiraz edirlər: Bakıda bu binanı sökmək olmaz!
Xəbər lenti
24/04/2019 [23:38]:
“Azərbaycan Diaspor Könüllüləri” proqramı təqdim olundu
24/04/2019 [23:29]:
“Space” telekanalı efirdə ədəbsiz ifadələrə görə cərimələndi
24/04/2019 [22:41]:
FIFA 7 futbolçunu ömürlük futboldan uzaqlaşdırıb
24/04/2019 [21:34]:
Həsən Ruhani: ABŞ-ın dünya neft bazarına nəzarət edəcək gücü yoxdur
24/04/2019 [20:44]:
“Nikah müqaviləsi”nin mahiyyəti və verdiyi təminatlar - fotolar
24/04/2019 [20:18]:
Aprelin 25-ə hava proqnozu
24/04/2019 [19:07]:
Bakı Neft Emalı Zavodu təmirə dayandırılacaq
24/04/2019 [18:46]:
AMEA-da kadr təyinatları olub
24/04/2019 [17:52]:
ABŞ-ın Yerevandakı səfiri “soyqırım” tədbirində erməniləri məyus etdi
24/04/2019 [16:41]:
Memarlar etiraz edirlər: Bakıda bu binanı sökmək olmaz!
24/04/2019 [15:35]:
Azərbaycan neftinin qiyməti 77 dollara yaxınlaşıb
24/04/2019 [14:29]:
Azərbaycanda DNT analizinin aparılması qaydası müəyyənləşib
24/04/2019 [13:18]:
İlham Əliyev Çində işgüzar səfərdədir
24/04/2019 [11:47]:
Azərbaycanda qızıl və gümüş ucuzlaşıb
24/04/2019 [10:14]:
Ramil Usubov Ziya Məmmədovun qardaşı oğluna yüksək vəzifə verdi
24/04/2019 [08:34]:
TAİB-in İstanbulda tanışma proqramı düzənlədi
24/04/2019 [08:27]:
"Prezidentliyə namizədliyimlə bağlı çağırışlar təxribat xarakterlidir" – Mübariz Mənsimov
24/04/2019 [00:01]:
Aprelin 24-ə hava proqnozu
23/04/2019 [23:37]:
Elina Hacıyevanın anasının müdafiəsinə üç vəkil qoşulub
23/04/2019 [21:39]:
Ən zəngin xəzinə kitabdır - Fotolar
23/04/2019 [21:29]:
Azərbaycan daxili işlər orqanlarında növbəti təyinat olub
23/04/2019 [20:22]:
Azərbaycan XİN BMT-yə etirazını bildirib
23/04/2019 [20:09]:
Qubada yeniyetmə qız özünü körpüdən atıb
23/04/2019 [19:17]:
Kraliça II Elizabet Trampı Britaniyaya dəvət edib
23/04/2019 [17:48]:
Müdafiə Nazirliyinin nümayəndə heyəti Beynəlxalq Təhlükəsizlik Konfransında iştirak edir
Bütün xəbərlər...
Həftənin ən çox oxunanları
Fuad Qəhrəmanlının qızına hücum edənə 15 sutka həbs cəzası verilib - yenilənib
Sumqayıt icra başçısının əmisi oğlu da qadına hücum etdi
Elinanın ölümündə günahlandırılan Xalidə Bayramova açıqlama yaydı
Fuad Qəhrəmanlının qızına hücumla bağlı DİN-dən açıqlama
İlham Əliyev 4 sərəncam, 2 fərman imzaladı - yenilənib
Avroliqada yarımfinalçılar müəyyənləşdi
Bədənində 152 tikiş olan Aprel qazisi: 12 kvadratmetrlik otaqda qalırıq
Meriya 100 min insanın rahatlığını "Formula-1"ə qurban verdi - şərh
ABŞ səfiri Qarabağ müzakirələri və Azərbaycandakı islahatlar haqda
Aprelin 20-ə hava proqnozu
İstiqlal.az-ın arxivi
"İstiqlal.az"
Xəbər Portalı
e-mail: istiqlal.mmc@gmail.com
Copyright©2013 "İstiqlal.az" MMC
Materiallardan istifadə zamanı
www.istiqlal.az saytına
istinad zəruridir
X

Bəyənin və "İstiqlal.az"-ı Facebook lovhənizdən izləyin