Xəbər verdiyimiz kimi, "Azərbaycan Respublikasının 2019-cu il dövlət büdcəsi haqqında" Azərbaycan Respublikası Qanununun layihəsi Milli Məclisin plenar iclasında müzakirəyə çıxarılıb.

Noyabrın 13 və 14-də keçirilən iclaslarda millət vəkilləri büdcə ilə bağlı fikir və təkliflərini səsləndiriblər.

Müzakirələrdən sonra qanun layihəsi səsə qoyularaq birinci oxunuşda qəbul edilib.

Xatırladaq ki, Azərbaycanın 2019-cu il dövlət büdcəsinin gəlirləri 22 917,5 milyon manat, xərcləri 24 780,1 milyon manat proqnozlaşdırılır.

Dövlət büdcəsində neftin bir barelinin qiyməti 60 dollar götürülüb.