Tağı Əhəmədov ticarət köşklərindən ildə azı 5 milyon manat qazanırmış – təhlil

03/08/2018 [09:58] - İqtisadiyyat (238)



Son günlər metroda gediş haqlarının qalxması günün əsas müzakirə mövzusudur. "Bakı Metropoliteni" QSC rəsmi açıqlama verdi ki, metroda 1 sərnişinin daşınmasının maya dəyəri 47 qəpikdir. Əvvəllər, daha doğrusu, Tağı Əhmədovun dövründə bu rəqəmin 1 manatdan yuxarı  olduğu deyilirdi. 

Bununla bağlı müəyyən araşdırma apardıq.

 Rəsmi statistikaya görə, 2017-ci ildə yeraltı nəqliyyatın xidmətindən 228,8 milyon sərnişin istifadə edib. Onlardan 7,2 milyonu gediş haqqını ödəməkdən azad olan güzəştli sərnişinlərdir (7 yaşınadək uşaqlar, hərbçilər və s.). Onları çıxsaq, metropolitendən ödənişli istifadə edən sərnişinlərin sayı 221,6 milyon nəfərdir.  Ötən il ödənişli sərnişinlərdən alınan gəlir 44 milyon 322 min manat olub. Bundan başqa,  metropolitenə dövlət büdcəsindən 45 milyon manat subsidiya da ayrılıb – bu iki mənbə üzrə metropolitenin büdcəsi 89,3 milyon manat edir.  

Metropolitendəki mənbələrdən daxil olan məlumata görə, ötən il metroda yerləşdirilən reklamlardan, 2 milyon 335 min, ticarət obyektlərinin icarəsindən, bankomat, POS-terminal və informasiya köşklərinə xidmət və s. xidmətlərdən 2 milyon 947 min manat  olub. Bu xidmətlərdən əldə edilən gəlirlə birlikdə 2017-ci ildə metronun gəliri 94 milyon 604 min manat olub.

Mənbənin məlumatına görə, 2017-ci ildə istismar üzrə ümumi xərclər 105 milyon 477 min manat təşkil edib. Bura əmək haqqı və ona bərabər tutulan ödənişlər (35 milyon 91 min manat), Sosial Müdafiə Fonduna ayırmalar (7 milyon 617 min manat), xammal və material xərcləri (6 milyon 723 min manat), texnoloji məqsədlər üçün istifadə olunan elektrik enerjisi və yanacaq (11 milyon 428 min manat), bütün kommunal xərclər (4 milyon 424 min manat), o cümlədən qrunt sularının xaric edilməsi (2 milyon 540 min manat), ezamiyyət xərcləri (91 min manat), bank xidmətlərinə görə ödənişlər (168 min manat), amortizasiya ayırmaları (33 milyon 98 min manat), təmir xərcləri (298 min manat), sığorta haqları (613 min manat), gəlirdən çıxılan vergilər (368 min manat), digər xərclər (5 milyon 559 min manat) daxildir. Bundan əlavə, satışdan kənar əməliyyat üzrə xərclər 1 milyon 524 min manat olub. Qeyd edilənlərin yekun nəticəsi kimi, müəssisənin zərəri 12 milyon 397 min manat təşkil edib.

Beləliklə, 105 milyon 477 min manat xərclərin ödənişli sərnişinlərin sayına (221,6 milyon sərnişin) nisbəti 47 qəpik təşkil edir. Başqa sözlə, yalnız istismar xərcləri nəzərə alınmaqla, bir sərnişinin daşınması "Bakı Metropoliteni" QSC-yə 47 qəpiyə başa gəlir.

Araşdırmalar zamanı çox maraqlı detallar üzə çıxdı. Tağı Əhmədovun dövründə 1 sərnişinin daşınma xərcinin 1 manatdan yuxarı olduğu iddia edilirdisə,  2016-cı ildə 77 qəpik təşkil edib. 2017-ci ilin yekunlarına görə isə bu məbləğ 47 qəpiyə enib.  Bəs maya dəyərin 2 dəfəyə yaxın azalması nəyin hesabına baş verib.

Qeyd edək ki,  T.Əhmədov 2014-cü ildə işdən çıxarılıb. Elə həmin ilin əvvəlində Tağı Əhmədov rəsmən bəyan  etdi ki, metropolitenin balansında 2 minə qədər ticarət obyekti var və metro ticarətindən aylıq gəlir 70 min manat, illik gəlir isə cəmi 840 min manatdır.

Hamıya bəllidir ki, 2014-cü ildə metropoliten keçidlərindən ticarət köşklərinin əlindən keçmək olmurdu. Yeni rəhbərlik ticarət köşklərinin sayını əhəmiyyətli dərəcədə azaldıb. Bun baxmayaraq 2017-ci ildə bu mənbə üzrə  2 milyon 947 min manat vəsait daxil olub. Yəni T.Əhmədovun dövrü ilə müqayisədə 2 milyon 107 min manat və yaxud 3,5 dəfə çox vəsait daxil olub. İndi ticarət köşklərinin T.Əhmədovun dövrü ilə müqayisədə ən az 2 dəfə azaldığını nəzərə alsaq, bəlli olar ki, hər ticarət köşklərinin icarəsindən 6 milyona yaxın gəlir götürülübsə də, bu vəsaitin cəmi 14 faizi (840 min manatı) metropolitenin büdcəsinə, qalanı isə (5 milyondan çox) rəhbərliyin şəxsi  cibinə axıb. Yeri gəlmişkən, o dövrdə metronun reklam gəlirləri ilə bağlı heç bir rəsmi və ya qeyri-rəsmi statistika yoxdur.

Araşdırmalarda bəlli olub ki, metronun reklam və icarə haqlarının rəsmi büdcəyə daxil edilməsi, başqa xərclərə qənaət edilməsi hesabına maya dəyəri 1 manatdan 47 qəpiyə endirmək mümkün olub. Deməli, korrupsiya ocaqlarını söndürmək mümkündür, yetər ki, istək olsun!

Qadir İBRAHİMLİ

İlham Əliyev 5 nəfərə general rütbəsi verdi - siyahı-yenilənib
Robert Köçəryan məhkəmədə Surət Hüseynovun qiyamından danışdı
Ali məktəblərə plan yerlərinin 11 faizi boş qalıb
Bu il Azərbaycanda 29 292 nəfər dünyasını dəyişib
Avqustun 17-ə hava proqnozu
Xəbər lenti
17/08/2018 [00:58]:
İlham Əliyev 5 nəfərə general rütbəsi verdi - siyahı-yenilənib
16/08/2018 [23:34]:
Robert Köçəryan məhkəmədə Surət Hüseynovun qiyamından danışdı
16/08/2018 [22:32]:
Ali məktəblərə plan yerlərinin 11 faizi boş qalıb
16/08/2018 [21:28]:
Bu il Azərbaycanda 29 292 nəfər dünyasını dəyişib
16/08/2018 [20:24]:
Avqustun 17-ə hava proqnozu
16/08/2018 [19:38]:
Bu gün “Qarabağ”ın Avroliqadakı rəqibi müəyyənləşəcək
16/08/2018 [18:31]:
2018-2019-cu dərs ilinin prioritet fəaliyyət istiqamətləri müəyyənləşdi
16/08/2018 [17:29]:
Putin Paşinyanla hansı mövzularda müzakirə aparıb? – Kreml açıqladı
16/08/2018 [16:34]:
DİM eksperti məhkəməyə verəcək
16/08/2018 [15:33]:
Azərbaycanda minik avtomobillərinin istehsalı artıb
16/08/2018 [14:24]:
İsveçrə Məhkəməsi: Gülnarə Kərimovanın 800 milyon dolları Özbəkistana qaytarılacaq
16/08/2018 [13:40]:
Azərbaycanda qızıl ucuzlaşdı
16/08/2018 [12:37]:
Zabit Səmədov fransız rəqibi ilə növbəti döyüşünə çıxacaq
16/08/2018 [11:49]:
"Bakcell"dən abunəçilərin işini asanlaşdıran daha bir yenilik
16/08/2018 [11:48]:
NATO generalından xəbərdarlıq- Rusiya ilə müharibə fəlakət olacaq
16/08/2018 [10:59]:
Azərbaycan millisi İsveçi məğlub etdi
16/08/2018 [10:02]:
ABŞ İlqar Məmmədovun azadlığa buraxılmasını alqışlayır
16/08/2018 [00:04]:
Kəmaləddin Heydərovun general qohumuna rəsmi ittiham elan edildi
15/08/2018 [23:41]:
Magistraturaya qəbul planının 25 faizi boş qaldı
15/08/2018 [22:29]:
Azərbaycan ötən il də Gürcüstana ən çox yatırım edən ölkə olub
15/08/2018 [21:37]:
Ruhani: ABŞ Xəzərdə hərbi baza açmaq istəyirdi, qarşısını aldıq...
15/08/2018 [20:32]:
Ali təhsil müəssisələrinə qəbulun nəticələri gün ərzində açıqlanacaq
15/08/2018 [19:29]:
Ərdoğanın mətbuat katibi: ABŞ Türkiyəni bir rahibə dəyişdi
15/08/2018 [18:41]:
Bakı-Tbilisi-Bakı aviareysləri bərpa edilir
15/08/2018 [18:02]:
İTV-dən 120 nəfər işdən çıxarıldı - aralarında departament direktoru da var
Bütün xəbərlər...
Həftənin ən çox oxunanları
İlham Əliyevin kürəkəninə vəzifə verildi - rəsmi
Türkiyədə yeni dollar şoku
Kəmaləddin Heydərovun general qohumuna rəsmi ittiham elan edildi
Sabiq nazirin qaynı işdən çıxarıldı - yeni təyinatlar
Gədəbəy böyük fəlakət astanasında – Nazirlik böyük ekoloji cinayətin üstünü açdı - FOTOLAR
Mərkəzi Bank dolların məzənnəsi barədə
İlham Əliyev 5 sərəncam, 2 fərman imzaladı - yenilənib
Ərdoğan: ABŞ Türkiyəni kürəyindən vurdu!
İlham Əliyev sərəncam imzaladı
Bakıda mağazaya basqın: xəsarət alan var
İstiqlal.az-ın arxivi
"İstiqlal.az"
Xəbər Portalı
e-mail: istiqlal.mmc@gmail.com
Copyright©2013 "İstiqlal.az" MMC
Materiallardan istifadə zamanı
www.istiqlal.az saytına
istinad zəruridir
X

Bəyənin və "İstiqlal.az"-ı Facebook lovhənizdən izləyin