Zoologiya İnstitutunda söyüşcül direktordan şikayət edənlər işdən çıxarılır

16/07/2018 [16:38] - Cəmiyyət (1398)



AMEA-nın Zoologiya İnstitutunun direktoru Elman Yusifov bir neçə ay əvvəl ondan mətbuata şikayət edən alimləri işdən çıxarır. Artıq institutun 4 əməkdaşı vaxtilə direktorun təhqir və söyüşlərinə etiraz etdiklərinə görə işdən kənarlaşdırılıblar.

Bu şikayətlə virtualaz.org-a institutunun işdən çıxarılan əməkdaşı, biologiya üzrə elmlər doktoru Namiq Mustafayev müraciət edib. Şikayətçi deyir ki, E. Yusifov barəsində şikayətlərin araşdırılması üçün komissiya yaradılsa da, bu direktoru öz əməllərini davam etdirməkdən çəkindirməyib. Direktor bu dəfə onun əleyhinə imza atan işçiləri bir-bir otağına çağıraraq təhqir edir və hədələyir.

“Elman Yusifovun qanunsuz əməllərini araşdırmaq üçün komissiya yaradıldı, hətta bəzi nöqsanlar, qanun pozuntuları da aşkara çıxarıldı. Amma bunun xeyri olmadı, direktor bu dəfə də ondan şikayət edənləri bir-bir işdən çıxarmağa başlayıb. Mən elmlər doktoruyam, müharibə veteranıyam, məni ayın 4-dən heç bir əsas olmadan işdən çıxarıb. Bununla bağlı məhkəməyə də müraciət eləmişəm. Məndən başqa daha bir elmlər doktoru Asif Manafovu işdən kənarlaşdırıb. Guya bülletendə olduğu müddət üçün qanunsuz sənəd təqdim edib. Yasamal Rayon Prokurorluğu bu məsələni araşdırdı və məlum oldu ki, direktorun öz hərəkəti qanunsuzdur, o, özü dövlət orqanları tərəfindən verilən qanuni sənədə saxta deyir”-N.Mustafayev redaksiyamıza ünvanlandığı şikayətində bildirir.

Şikayətçi deyir ki, işdən çıxarılmasına səbəb kimi onun işçiləri guya direktora qarşı müraciətə imza atmağa məcbur etdiyi göstərilir: “Guya mən camaatı məcbur eləmişəm ondan şikayət eləsinlər. Halbuki mən laboratoriya müdiri də deyiləm ki, kimisə məcbur edim. İmza atanlar özləri elmlər doktorları, laboratoriya müdirləri, professorlar, AMEA-nın müxbir üzvləridir. Mən bu insanları necə məcbur edə bilərəm? Amma özü 79 işçini məcbur edib, məktub yazdıraraq imzaladıb ki, guya yaxşı direktordur. Bir ay bundan qabaq elmlər doktoru adı almışam, bu da mənim mükafatım...”, - deyə N. Mustafayev bildirir.

Alim deyir ki, AMEA rəhbərliyinə bu barədə şikayət edib, hətta Biologiya və Tibb Elmləri Bölməsinin akademik-katibi Əhliman Əmiraslanov ona kömək eləyəcəyini bildirsə də, sonradan bunun imkanı xaricində olduğunu deyib.

“Bizim şikayətin heç bir xeyri olmadı. İndi direktor işçiləri bir-bir çağırıb o vaxt həmin müraciətə niyə imza atdıqlarını soruşur, onları təhqir edir. Kollektivi qorxu altında saxlayır ki, mən Namiqi də işdən çıxartdım, mənə heç kim heç nə eləyə bilməz. Prezident Administrasiyasında da qəbulda olmuşam. Bütün instansiyalara müraciət olunub. Heç kim onunla bağlı ölçü götürmək istəmir. Ona sanki fövqəladə səlahiyyət verilib. İnstitutu şəxsi obyekti kimi idarə edir”, - deyə N. Mustafayev bildirir.

Sadalanan ittihamlarla bağlı institutun direktoru Elman Yusifovla əlaqə saxladıq. Direktor virtualaz.org-a şikayət etdiyinə görə heç kəsin işdən kənarlaşdırılmadığını dedi: “Heç kim şikayət etdiyinə görə işdən çıxarıla bilməz. Əgər belədirsə, sizə niyə müraciət ediblər, qoy məhkəməyə müraciət etsinlər. Əgər söhbət Asif Manafovdan və Namiq Mustafayevdən gedirsə, onlar əmək intizamını pozduqlarına, işlərində yol verdikləri nöqsanlara görə işdən azad ediliblər. Özü də institutun kadrlar şöbəsinin, onların laboratoriya müdirlərinin təqdimatı, Həmkarlar İttifaqının rəyi əsasında bu həyata keçirilib. Mənim kimisə işdən çıxarmağa səlahiyyətim yoxdur”.

Direktor həmçinin bildirib ki, həmin şəxslərin şikayətləri əsasında komissiya yaradılıb və bir ay ərzində institutda yoxlama aparılıb: “Komissiya onların ittihamlarını araşdırıb və komissiyanın rəyi onlara da, bizə də çatdırılıb. Onlar niyə işdən çıxarıldıqlarını gözəl bilirlər. Bizdə sənədlər var və onları məhkəmədə göstərəcəyik”, - deyə E. Yusifov qeyd edib.

Xatırladaq ki, bu ilin fevral ayında Zoologiya İnstitutunun bir qrup alimi virtualaz.org-a müraciət edərək direktor Elman Yusifovun institutun əmlakını talayıb dağıtması, işçiləri, Azərbaycan xalqını təhqir etməsindən cana gəldiklərini bildirmişdilər. Direktorun ünvanına sərt ittihamlar səsləndirən alimlər qeyd edirdilər ki, E. Yusifov Azərbaycan xalqının 70 faizini “debil” adlandırıb, institutun işçilərini bostan müqəvvaları, dişi tökülmüş kaftarlar, zoofillər, pedofillər, onanistlər, nekrofillər adlandıraraq təhqir edib.


Sumqayıtda avtobus qəzası: yaralananların sayı 42-yə çatıb-yenilənib
Novella Cəfəroğlu: Bu dəfə Əli İnsanov, Taleh Bağırzadə kimi şəxslər də azadlığa çıxa bilər
Bayıl sürüşmə zonasında 98 ev söküləcək
İlham Əliyev sərəncam imzaladı
Mustafa Hacılıya hökm oxundu
Xəbər lenti
22/02/2019 [01:14]:
Sumqayıtda avtobus qəzası: yaralananların sayı 42-yə çatıb-yenilənib
21/02/2019 [23:41]:
Novella Cəfəroğlu: Bu dəfə Əli İnsanov, Taleh Bağırzadə kimi şəxslər də azadlığa çıxa bilər
21/02/2019 [22:36]:
Çempionlar Liqasında həftənin rəmzi komandası
21/02/2019 [21:22]:
Türkiyəli deputatlar Bakı Atatürk Liseyində olub
21/02/2019 [20:17]:
Bayıl sürüşmə zonasında 98 ev söküləcək
21/02/2019 [19:28]:
Nazarbayev Qazaxıstan hökumətini istefaya göndərib
21/02/2019 [18:37]:
Azərbaycanda daha bir xəbər telekanalı açıla bilər
21/02/2019 [17:32]:
İlham Əliyev sərəncam imzaladı
21/02/2019 [16:46]:
Deputat: “Hökumət problemli kreditlərlə bağlı qərar verəcək”
21/02/2019 [15:43]:
Fevralın 22-ə hava proqnozu
21/02/2019 [14:52]:
Azərbaycanda tikintiyə icazə verilməsi elektronlaşdırıldı
21/02/2019 [14:17]:
Mustafa Hacılıya hökm oxundu
21/02/2019 [13:44]:
İlham Əliyev ATƏT-in Minsk qrupunun həmsədrlərini qəbul edib
21/02/2019 [13:02]:
Alimlər xəbərdarlıq edir: "Depressiya beyini 10 il tez qocaldır"
21/02/2019 [11:33]:
Ermənistanda baş nazirin keçmiş müavininin həbsi tələb edildi
21/02/2019 [09:59]:
Paşinyan həmsədrlərlə Qarabağ münaqişəsini müzakirə edib
21/02/2019 [00:39]:
Türkiyədə güclü zəlzələ: Xalq küçələrə axışdı
20/02/2019 [23:19]:
Azərbaycan əhalisinin banklardakı pulu 8 milyard manatı ötüb
20/02/2019 [22:28]:
ATƏT sədrinin Azərbaycana səfərinin tarixi açıqlandı
20/02/2019 [21:47]:
Ukraynada parka Müslüm Maqomayevin adı veriləcək
20/02/2019 [21:36]:
Müxalifətin mitinqinə icazə verilmədi
20/02/2019 [20:43]:
Azərbaycanda 106 nəfər qızılcaya yoluxub
20/02/2019 [19:38]:
Türkiyədə ardıcıl şəkildə planlaşdırılan terror aktlarının qarşısı alınıb
20/02/2019 [18:19]:
Bakı-İstanbul təyyarəsi Ankaraya məcburi eniş etdi
20/02/2019 [17:26]:
Azərbaycan şəkər idxalını kəskin artırıb
Bütün xəbərlər...
Həftənin ən çox oxunanları
Kəmaləddin Heydərov bankını satdı - təfsilat
Türkiyədə güclü zəlzələ: Xalq küçələrə axışdı
Deputat: İnanmazdım ki, Naxçıvanda bu qədər tərbiyəsiz adamlar nazir postu tuta bilərlər
Gənclər təşkilatları Prezidentə müraciət etdi: “Xahiş edirik, bu dəyişikliyi ləğv edin”
Beynəlxalq Bankdan milyonları götürmək üçün şirkətləri kimlər yaradıb?
Nazir 58 nəfəri işdən çıxartdı - siyahı
Müxalifət yeni mitinqin elanını verdi
Rüstəm İbrahimbəyovu Bakıda təntənəli şəkildə qarşıladılar - fotolar
Hava kəskin dəyişəcək- Nazirlik proqnozu açıqladı
Prezident Polad Bülbüloğluna tapşırıq verdi
İstiqlal.az-ın arxivi
"İstiqlal.az"
Xəbər Portalı
e-mail: istiqlal.mmc@gmail.com
Copyright©2013 "İstiqlal.az" MMC
Materiallardan istifadə zamanı
www.istiqlal.az saytına
istinad zəruridir
X

Bəyənin və "İstiqlal.az"-ı Facebook lovhənizdən izləyin