Fəzail Ağamalıdan həmkarlarına sərt cavab - bu uşaq mənə irad tutur

09/07/2018 [17:33] - Gündəm (732)



Milli Məclisin deputatı Fəzail Ağamalı Gəncədən mandat verilən, Azərbaycanın xalqının böyük oğlu, Azərbaycan Demokratik Cümhuriyyətinin qurucularından biri Məmmədəmin Rəsulzadə haqda tərbiyyəsiz ifadələri ağzına alan Naqif Həmzəyevin ona ünvanlanmış müraciətinə sərt reaskiya verib. 

Deputat musavat. com- açıqlamasında Naqifi “komanda maraqların uyğun addım atmaqda” ittiham edib: “Açığı, Elmar Vəliyevə olan sui-qəsdin ətrafında fikir mübadiləsinin aparılmasına tərəfdar deyiləm. Təəssüf edirəm ki, həmkarım Naqif Həmzəyev sosial şəbəkələri izləmir. İzləyirsə belə, o, demək, sosial şəbəkələrə əhəmiyyət vermir. Sadəcə olaraq, mənsub olduğu komandanın maraqlarına uyğun addımlar atır və bu da gözləniləndir. Onu əslində qınamıram. Gəncədə son illərdə gedən quruculuq işlərini, inkişafı Elmar Vəliyevin adına deyil, birbaşa ölkə prezidentinin siyasətinə bağlayıram”.

Deputat deyib ki, ölkənin başqa şəhərlərində də quruculuq işləri aparılıb: “Deyir ki, elə bir şəhər göstərin ki, son 7 ildə Gəncə qədər inkişaf etsin. Mən nümunəni Sumqayıtdan göstərirəm. Hörmətli həmkarım bu şəhərə getsin və şəhərin gözəlliyinin, inkişafının şahidi olsun. Digər rayonlarda da bu inkişaf var. Sadəcə, nümunə kimi Sumqayıtın adını çəkdim. Hər iki deputatı Naxçıvana dəvət edirəm. Görsünlər ki, orada quruculuq, abadlıq işləri hansı səviyyədə aparılır. Naqif hələ çox gəncdir. Təəssüf edirəm ki, o, ölkə prezidentinin həyata keçirdiyi quruculuq işlərini, inkişafı Gəncənin icra başçısının adına bağlayır. Nazirindən tutmuş icra başçısına qədər istənilən məmur prezidentin siyasətini həyata keçirməyə məcburdur. Əgər o bunu etmirsə, hakim komanda da yer almalı deyil. Gəncədə Elmar Vəliyevdən qabaq da işlər gedib. Bundan sonra da işlər gedəcək. Xaçmazı da nümunə gətirərdim. Bu şəhərin də gözəlliyindən zövq alırsan. Hörmətli həmkarım yaxşı olardı ki, bu şəhərə də baş çəkərdi”.

F.Ağamalının sözlərinə görə, Elmar Vəliyev məmur kimi ölkə başçının tapşırıqlarını icra etməyə səy göstərib. Bununla bağlı lazımı addımlarını atıb: “Milli Məclisin gənc üzvüdür. Gələcəkdə ola bilsin ki, qabiliyyətinə və bacarığına görə ona yüksək vəzifələr tapşırılsın. Xalqla məmur arasında baryer olmalı deyil. Yüksək səviyyəli sağlam münasibətlər olmalıdır. Bunu prezidentin idarəçilik fəlsəfəsi tələb edir. Mən qeyri-adi hansı fikirləri söyləmişəm ki, bu qədər narazılıq doğurur? Bir daha təkrar edirəm ki, məmur bu məsuliyyəti boynuna götürürsə, bunun arxasında xalqa xidmət dayanır. Bu məsələnin Elmar Vəliyevə qarşı törədilən cinayətlə əlaqələndirməyin özünü başa düşmürəm. İcra başçısına qarşı cinayət törədilib. Onunla bağlı bu və ya digər şəkildə narazılıqlar varsa, bu formada həll olunmalı deyil. Azərbaycan hüquqi dövlətdir. İstənilən vətəndaş icra başçısından, hər hansı bir məmurdan narazıdırsa, bunun hüquqi müstəvidə həlli var. Məhkəmə sisteminə narazı vətəndaşın inamı yoxdursa, o zaman ölkə prezidenti var. Müraciətlərə uyğun olaraq, hər zaman konkret addımlar atılır. KİV-lər vasitəsilə məmurun ədalətsizliyi önə çəkilə bilər. Bütün bunların hamısı ölkə rəhbərinin diqqətində olur və o məsələlər öz həllini tapır. Necə ki, cənab prezident zamanında KİV-lərin ən yaxın dostu olduğunu bildirib. Bir çox məsələləri mətbuatdan aldığı informasiyalar vasitəsilə də həll etdiyini söyləyib. Kimsə kimisə hansısa narazılığa görə güllələyirsə, bu qətiyyən yolverilməzdir, bu cinayətdir. Ona heç bir halda haqq qazandırmaq mümkün deyil. Elmar Vəliyevlə bağlı bir neçə sayta demişəm ki, bu müzakirələri dayandırmaq lazımdır. Lakin təəssüflər olsun ki, Elmar Vəliyevə yaxın olan dairələr bu məsələni gündəmdə saxlamağa çalışırlar. Bir daha onlara xəbərdarlıq edirəm ki, dayanın, lütfən”.

Deputat vurğulayıb ki, artıq ölkənin yüksək səviyyəli hüquq mühafizə orqanlarının birgə ilkin məlumatları dərc olunub. Məsələyə ilkin aydınlıq da gətirilib, istintaq gedir.

F.Ağamalı daha sonar həmkarlarına sərt mesaj verib: “Bundan öncə hörmətli həmkarım İlham Məmmədov fikirlərini söylədi. Ona dedim ki, İlham, cənab Məmmədov, İlham müəllim, bu məsələləri dayandırın. Sən deyirsən ki, Fəzail Ağamalı bilməlidir, bilməlidir, bilməlidir, axı sənin mənə dərs keçməyə nə səviyyən, nə də inkişafın çatır. İndi bu uşaq mənə iradlar tutur. Ona deyirəm ki, səndən daha çox Elmar Vəliyevə atılan gülləni ittiham edirəm, özü də təmənnasız, konyunkturadan uzaq. Bunun hansı səbəbdən baş verməsindən asılı olmayaraq, Azərbaycan məmuruna qarşı atılan gülləni xəyanət hesab edirəm. Mən insan şəxsiyyətinin alçaldılmasının tamamilə əleyhinə olan şəxsəm. Xüsusi olaraq məmur əgər vətəndaşları, özlərindən aşağı pillədə olan adamları alçaldırsa, onun şəxsiyyətini təhqir edirsə, bu, xüsusi olaraq yolverilməzdir. Məmurlar özlərinin yüksək əxlaqi dəyərləri, mədəniyyəti, insanlara davranış nümunələri ilə xalqına və dövlətinə xidmət etməlidir. Elmar Vəliyev icra başçısı olarkən Gəncədə vətəndaşlarla arasında problem yaradıbsa, bu mənlik deyil. Bunu hər kəs bilir. Problemdən xəbərsiz insan yoxdur. İstəməzdim ki, icra başçıları vətəndaşlarla problem içərisində yaşasın. İcra başçısı siyasi vəzifədir. Onlar vətəndaşların aşağı, yuxarı təbəqələrinin davranışlarına uyğun olaraq addımlar atmağı bacarmalıdırlar. Çünki o prezidentin həmin şəhərdə, rayonda səlahiyyətli nümayəndəsidir. O vəzifəsinin öhdəsindən gəlməyə məcburdur. Əgər bunu edə bilmirsə, vəzifədə işləməli deyil. Bunlar şəxsi mövqeyimdir”.
Konstitusiya Məhkəməsi dollar kreditlər haqda son qərarını verdi
Neftçilər Xəstəxanasının baş direktoru işdən çıxarılıb
Azərbaycanda 19 şirkət bağlanıb - siyahı
Azərbaycanın ən böyük holdinqi 2 yeni şirkət yaratdı
Tramp Paşinyana yazdı: Qarşıdakı aylarda Qarabağ münaqişsəinin həlli üçün imkanlar açılır
Xəbər lenti
22/09/2018 [09:45]:
Konstitusiya Məhkəməsi dollar kreditlər haqda son qərarını verdi
21/09/2018 [23:29]:
Neftçilər Xəstəxanasının baş direktoru işdən çıxarılıb
21/09/2018 [22:33]:
Azərbaycanda 19 şirkət bağlanıb - siyahı
21/09/2018 [21:47]:
Azərbaycanın ən böyük holdinqi 2 yeni şirkət yaratdı
21/09/2018 [20:59]:
Tramp Paşinyana yazdı: Qarşıdakı aylarda Qarabağ münaqişsəinin həlli üçün imkanlar açılır
21/09/2018 [19:51]:
Polşada ABŞ hərbi bazası yerləşdirilə bilər
21/09/2018 [18:44]:
İlham Əliyev: Şərqdə ilk demokratik respublikanın yaradılması ilə fəxr edirəm!
21/09/2018 [17:32]:
Cüdo üzrə dünya çempionatı başlayır
21/09/2018 [16:21]:
Qüdrət Həsənquliyev: “Növbədənkənar seçkilərə gedilsə, dəstəkləyəcəyik”
21/09/2018 [15:17]:
Dərs başladı, kirayə mənzillər bahalaşdı – statistika
21/09/2018 [14:06]:
"İtalyan şirkətinin milyarder Əhmədovun Bakıdakı bağ evində fırıldağı" - vəkildən açıqlama
21/09/2018 [13:39]:
Cahangir Hacıyev Ermənistan büdcəsi qədər vəsaiti mənimsəyib – 3 milyard dollar
21/09/2018 [13:24]:
İlham Əliyev Türkiyə parlamentinin sədri ilə görüşüb
21/09/2018 [12:52]:
Azərbaycan parlamentini 100 illiyinə həsr edlmiş təntənəli iclas
21/09/2018 [12:18]:
İkinci DokuBaku beynəlxalq sənədli film festivalı keçiriləcək
21/09/2018 [11:43]:
Azərbaycanda axtarışda olan cinayətkarların 47-i uşaq olub
21/09/2018 [10:51]:
Gürcüstanda 19 nəfərin prezidentliyə namizədliyi qeydə alınıb
21/09/2018 [09:58]:
Binali Yıldırım Azərbaycana səfərə gəlib
21/09/2018 [00:59]:
"Qarabağ" "Sportinq"ə məğlub oldu
21/09/2018 [00:27]:
Bakıda dəhşətli qəza - 4 nəfər ölüb
21/09/2018 [00:04]:
Etimad İsmayılov 4 milyon dollara görə öldürülüb - Türkiyə mediası
20/09/2018 [23:41]:
Şeyxin Aşura aksiyası   - Azərbaycanlılar kütləvi şəkildə qanverməyə qatıldı - VİDEO
20/09/2018 [23:27]:
Avropa Məhkəməsi Ermənistan əleyhinə qərar çıxardı
20/09/2018 [22:38]:
Deputat Rəşad Mahmudova yeni vəzifə verildi
20/09/2018 [21:46]:
İlham Əliyev bir sıra ölkələrin parlament rəhbərlərini qəbul edib
Bütün xəbərlər...
Həftənin ən çox oxunanları
Kəmaləddin Heydərovu sürgün, türmə, yoxsa təqaüdçü həyatı gözləyir? – təhlil
Kəmaləddin Heydərovun qohumu işdən qovuldu - təfsilat
Ramil Usubovdan yeni təyinatlar
İlham Əliyevdən yeni təyinat - sərəncam
Etimad İsmayılov 4 milyon dollara görə öldürülüb - Türkiyə mediası
Bakı meriyasının aparat rəhbəri işdən çıxarılıb
Gəncənin sabiq memarı yoxa çıxıb
İlham Əliyev 6 sərəncam imzaladı - yenilənib
İlham Əliyev 2 sərəncam, 3 fərman imzaladı - yenilənib
Rəis müavini işdən çıxarıldı – Məhbusların qaçmasına görə
İstiqlal.az-ın arxivi
"İstiqlal.az"
Xəbər Portalı
e-mail: istiqlal.mmc@gmail.com
Copyright©2013 "İstiqlal.az" MMC
Materiallardan istifadə zamanı
www.istiqlal.az saytına
istinad zəruridir
X

Bəyənin və "İstiqlal.az"-ı Facebook lovhənizdən izləyin