Bayılda yaşıllığa qənim kəsilən kimdir?- təfsilat

06/07/2018 [09:54] - Cəmiyyət (511)



Paytaxtın Xəzərə baxan ən gözəl ərazilərindən olan Bayılda yeni inşa edilmiş binaların, xidmət obyektlərinin qarşısında heyranedici dəniz mənzərəsi, göz oxşayan genişlik diqqəti cəlb edir. Ərazinin köhnə, yöndəmsiz tikililərdən təmizlənmiş bir sıra hissələrində isə son illərdə yaşıllıq  zonaları yaradılıb. 

Belə zonalrdan biri də Bayıl qəsəbəsində Neftçilər prospekti ilə Qurban Abbasov küçəsinin kəsişməsində salınıb. Təxminən, üçbucaq formasında olan, təxminən, 1000 kvadratmetrlik bu ərazidə 2012-ci ildə Bakıda keçirilən Avroviziya mahnı musabiqəsinə hazırlıq ərəfəsində 350 ədəd bahalı dekorativ ağac əkilib.  Həmin ağaclardan bir ədədinin indiki bazar qiyməti 800 manata yaxındır.

Bu ağacaların xaricdən alınıb gətirilməsi və əkilməsi ilə bağlı bütün xərcləri yerli iş adamları çəkiblər. Lakin son 3 ildə bu yaşıllıq zonanın salınmasına sərf olunan əməyi və vəsaiti heçə çıxarmaq istəyənlər peyda olub. Həmin ağacaların mütəmadi olaraq kimlər tərəfindənsə, sözün həqiqi, “kimyəvi hücum”a məruz qaldığını ehtimal etmək mümkündür. Belə ki, o qədər də böyük olmayan, amma Bayıl yamacının florasında öznüməxsus yer tutan yaşıl ərazi getdikcə “keçəlləşir”, ağaclar bir-bir yoxa çıxır.

Bu barədə istiqlal.az-a ərazidəki mənbələrdən məlumat daxil olub.  Mənbə redaksiyaya 2015 və  2018- ci illərdə çəkilmiş fotoları təqdim edib. Dekorativ ağacların məhz son 3 ildə mərhələlərlə “yoxa çıxdığı” güman edilir. Ağacların oğurlandığı, yoxsa baxımsızlıqdan məhv edildiyi bəlli deyil.

Məsələni araşdırmaq üçün istiqlal.az-ın əməkdaşı həmin ərazidə olub. Doğurdan da, ərazidəki ağacaların çoxu “yoxa çıxmışdı”. 

Massivə yaxın evlərdə yaşayan sakinlərin sözlərinə görə, şəhərin mərkəzindən 2-2,5 km aralıda yerləşən ərazi çox bahalıdır və təsadüfü işbazların hədəfində ola bilməz. Bura kimin gözü düşübsə, çox hiyləgər adamdır. Çünki ərazini ağacları tədricən məhv etmək kursu seçilib. Güman ki, imtiyazlı zümrəyə mənsub olan iş adamıdır. Ona görə də icra hakimiyyəti və Ekologiya və Təbii Sərvətlər Nazirliyi göz yumur – deyə sakinlər vurğulayıb.

Araşdırmalarımız zamanı bəlli oldu ki, paytaxtın ekologiyasına qəsd hesab edilməli olan vəziyyət haqqında KİV-in həyəcan siqnalına Səbail Rayon İcra Hakimiyyətindən reaksiya verilmir. Cavabdeh olduğu ərazidə hər ağacın qorunmasına qayğı göstərməli olan icra hakimiyyətinin belə susqunluğu ən arzuolunmaz ehtimallar və  şübhələr doğurur. Belə çıxır ki, yaşıl zolağı özü üçün gəlir mənbəyinə çevirmək  və bu məqsədlə ərazini ağaclardan təmizləyib adicə torpaq sahəsi kimi ələ keçirmək istəyən  naməlum iş adamı artıq dövlət qurumları ilə “anlaşıb”.
Təqdim etdiyimiz şəkillərdən biri 2015-cü ildə, ağacların mövcud olduğu, yaşıllığın əraziyə, həqiqətən, yaraşıq verdiyi vaxtlarda, digəri isə 2018-ci ilin iyununda – ağacların bir hissəsi artıq yoxa çıxarılandan sonra çəkilib. Yaşıllığa qarşı terrorun izləri açıq-aşkar görünür və burada hansı məqsədin güdüldüyünü də təsəsvvür etməyə imkan verir...

Paytaxtda ekolji problemlərin həlli, yaşıllıqların qorunması və yeni yaşıllıq zonalarının yaradılması ölkə rəhbərliyinin çox ciddi diqqət yetirdiyi məsələlərdir. Vaxtilə Azərbaycan təbiətinin böyük himayədarı, eks-prezident Heydər Əliyev “kim bir ağac kəsirsə, elə bil mənim bir qolumu kəsir” -  deyərək, yaşıllıqların mühafizəsi ilə bağlı öz prinsipial mövqeyni bildirmişdi. Prezident İlham Əliyev 2010-cu ili “Ekologiya ili” elan edərkən onu da da vurğulamışdı ki, əslində, Azərbaycanda hər il ekologiya ili olmalıdır. 

Dövlət başçısının Bakının yaşıl ərazilərinin genişləndirilməsi ilə bağlı qərar və göstərişləri öz nəticəsini verməkdədir. Şəhərin müxtəlif yerlərində yeni bağlar və parklar salınıb, Dənizkənarı bulvarın ərazisi genişləndirilib. “Sovetski” adlanan məhəllənin sökülərək, yerində böyük yaşıllı zolağının salınması üzrə işlər isə hazırda davam etdirlir. Bütün bu tədbirlər dünyanın ən gözəl şəhərləri sırasında adı çəklən Bakının təbii mühitinin sağlamlaşdırılmasına, beləliklə də, getdikcə istiləşən iqlim şəraitində insanların səhhətinə müsbət təsir edən yaşıllıqların artırılmasına imkan yaradır. Ancaq təəssüf ki, bəzi işbazlar dövlət qurumları ilə şübhəli anlaşmaları bu tendensiyanı xələl gətirir.

İstiqlal.az
Bu həftə Azərbaycan məktəblərində qış tətili başlayır
Azərbaycan əhalisinin sayı açıqlanıb
Kollegiya 3 vəkilin fəaliyyətini dayandırdı
Afaq Məsudun kitabı Misirdə nəşr olunub
Mehman Hüseynov barəsində cinayət işinin icraatına xitam verildi
Xəbər lenti
22/01/2019 [22:11]:
Bu il Azercell daha 25 tələbəni sevindirdi
22/01/2019 [21:16]:
Bu həftə Azərbaycan məktəblərində qış tətili başlayır
22/01/2019 [19:51]:
Axtarışda olan 15 nəfər saxlanıldı
22/01/2019 [18:19]:
Belarus boru kəmərləri ilə neft nəqli tariflərini artırıb
22/01/2019 [16:48]:
Azərbaycan əhalisinin sayı açıqlanıb
22/01/2019 [15:23]:
Kollegiya 3 vəkilin fəaliyyətini dayandırdı
22/01/2019 [13:59]:
Afaq Məsudun kitabı Misirdə nəşr olunub
22/01/2019 [12:13]:
Mehman Hüseynov barəsində cinayət işinin icraatına xitam verildi
22/01/2019 [12:13]:
Azərbaycan nefti bahalaşıb
22/01/2019 [10:46]:
Azərbaycanlı Ukraynada prezidentliyə namizəd oldu
22/01/2019 [10:13]:
Azercell NNTV xidmətini təqdim edir
22/01/2019 [09:52]:
Kürdəmirdə zəlzələ oldu
22/01/2019 [08:53]:
Bakı polisinin rəisi: “Müxalifət iğtişaşlar yaratmağa cəhdlər etdi”
21/01/2019 [23:47]:
İlham Əliyev Davosda Dünya İqtisadi Forumunun prezidenti ilə görüşüb - yenilənib
21/01/2019 [22:27]:
Akademiyanın institutları birləşir - siyahı
21/01/2019 [21:36]:
Beynəlxalq Bankdan 30 milyon kredit götürnüş şəxs familiyasını niyə dəyişib?
21/01/2019 [20:49]:
Sarkisyanın partiyası Paşinyanı “hoqqabaz” adlandırdı
21/01/2019 [19:34]:
İran prezidenti: “İnternetə mane olmaqla səhv etmişik”
21/01/2019 [18:45]:
Səməd Seyidov yenidən AŞPA-nın vitse-prezidenti seçilib
21/01/2019 [17:26]:
"Bakcell" və "Hesab.az" avtomatik ödəniş funksiyasını təqdim edib
21/01/2019 [16:39]:
Mehman Hüseynov prezidentə müraciət etdi
21/01/2019 [16:23]:
Daha bir azərbaycanlı iş adamı itkin düşüb
21/01/2019 [15:34]:
Ötən il Gürcüstan Azərbaycana 98 mln. dollar dəyərində siqaret satıb
21/01/2019 [14:26]:
Babək prospektində asfalt çökdü
21/01/2019 [13:58]:
Bu gün Cahangir Hacıyevin məhkəməsi başlayır – 4,7 milyardlıq cinayət işi
Bütün xəbərlər...
Həftənin ən çox oxunanları
Azərbaycanda super nazirlik yaradılır - 1 nazirlik və 1 ASC ləğv edilir
İlham Əliyev 2 nəfəri işdən çıxartdı - sərəncam-yenilənib
Ramil Usubov 7 rayonun polis rəisini dəyişdi - siyahı
Ramil Usubov 2 rayona polis rəisi təyin etdi
Bakıda pis hava ilə bağlı daha bir xəbərdarlıq -uşaq bağçaları bağlanır
İlham Əliyev 4 dövlət xidməti yaratdı - fərman
Ramil Usubovdan yeni təyinatlar - 2 generalın yeri dəyişdi
İlham Əliyev 3 qurumu birləşdirdi - 1 qurum isə ləğv edildi
İlham Əliyev 3 dövlət qurumunu ləğv etdi - fərman
Deputat: Azərbaycanda elə proseslər baş verər ki, tüklərimiz biz-biz olar...
İstiqlal.az-ın arxivi
"İstiqlal.az"
Xəbər Portalı
e-mail: istiqlal.mmc@gmail.com
Copyright©2013 "İstiqlal.az" MMC
Materiallardan istifadə zamanı
www.istiqlal.az saytına
istinad zəruridir
X

Bəyənin və "İstiqlal.az"-ı Facebook lovhənizdən izləyin