Vəkilin milyarderə ayı xidməti - Aslan İsmayılovun təzminat tələbinə sözardı

22/05/2018 [11:59] - Gündəm (2047)



1992-ci ildən yazıram, hələ məni məhkəməyə verən olmamışdı. Bu günlərdə təsadüfən  xəbər tutmuşam  ki, vəkil Aslan İsmayılov məni məhkəməyə verib. Demə, təxminən 1 il qabaq A.İsmayılov rəhbərlik etdiyim istiqlal.az saytı da daxil olmaqla, 10-a yaxın KİV-i məhkəməyə verib və proses hələ də davam edir.

Vəkilin iddiasına görə, sözügedən KİV-lər onun şərəf və ləyaqətini alçaldıblar, işgüzar nüfuzuna zərbə vurublar və buna görə də sözügedən KİV-lərin hər biri “bonkrot” olmuş vəkilə 50 min manat təzminat ödəməlidirlər.  İddianın əsas hədəfi mən olmadığımdan məhkəmə iclaslarına çağrılmamışam – bəxtim bu məsələdə düz onluğa vurub. 

A.İsmayılovun “düşmənləri” siyahısına (heç düşmənimə də bu sıyahıda olmağı arzulamıram) düşməyimin tək bir səbəbi istiqlal.az-da A.İsmayılovu tənqid edən kiçik bir açıqlamanın getməsidir. Belə tənqidi açıqlamalar gündə ən azı 10-15 dəfə xəbər lentində yer alır. Özü də bu sırada A.İsmayılov ən sonuncu yerdədir – ölkənin hökumət üzvlərindən tutmuş, partiya sədrlərinə, ictimai xadimlərə qədər hamı tənqid edilir.

Özünü demokratiya fədaisi sayan A.İsmayılovun demokratiyanın əlifbasından belə xəbəri yoxdur. İstiqlal.az-da nazirdən tutmuş sıravi vətəndaşa qədər heç kim barəsində qara piar gedə bilməz – bu bizim təməl prinsipimizdir. Eyni zamanda hamı tənqid oluna bilər – bu da təməl prinsipimizdir. Ancaq A.İsmayılov kiçik bir tənqidə dözməyib, olsun, əslində burada faciə yoxdur – medianın əsas mandatlarından biri də özünü ictimai xadim sayanların xislətini ortaya qoymaqdır...

Lənkəranda 2-ci dünya müharibəsinin bir iştirakçısı olub – Cəfər kişi. Cəfər kişi almanlara əsir düşüb, əsirlikdən qurtulduqdan sonra Stalin repressiyasına məruz qalıb. Stalin öləndən sonra uzun mübarizədən sonra bəraət alıb və Lənkərana qayıdıb. Qayıdışdan az sonra Cəfər kişini qapılarının ağzında avtomobil vuraraq öldürüb. Cəfər kişinin o boyda odun-alovun içindən, Stalinin türməsindən salamat qurtarmasından, ancaq axırda öz qapısının ağzında avtoqəzadan ölməsindən yana-yana danışırdılar. 

İndi aşağı-yuxarı Cəfər kişinin aqibətini yaşayıram. 25 il oliqarx-nazirləri tənqid et, onların korrupsiya əməllərini aşkarla, onların qanunsuz monopoliyasından yaz, axırda da  vəkil A.İsmayılov səni məhkəməyə versin. Belə çıxır, eninə-uzununa tənqid etdiyim nazirlər, iriranqlı məmurlar A.İsmayılovdan daha tolerant imişlər. Qətiyyən bu nəticəyə sevinmirəm. Ancaq əlahəzrət fakt bundan ibarətdir.

Anlamadığım başqa bir məqam budur ki, A.İsmayılov niyə özünün çirkin intirqalarına medianı şərik etmək istəyir? Adam milyarder İlham Rəhimova yarınmaq istəyirsə, qoy gen-bol, sağ-sol yarınsın. Bundan bizə nə var? Sanki İ.Rəhimova göstərmək istəyir ki, səni tənqid edən medianı məhkəməyə verdim. Bu nədir? Ayı xidməti? Bəs insan hüquqları, yüksək dəyərlər-filan? Bütün bu dəyərlər bir oliqarxın bir gülüşünə qurban verilir? Bu qədərmi ucuz?

Başqaları adından danışa bilmərəm, ancaq mənim bu günə qədər nə İlham Rəhimov, nə də Aslan İsmayılov adlı problemim olub, heç bu gündən sonra da olmayacaq. Soltan bəyin sözü olmasın, mənim dəllal-məllalla işim yoxdur. A.İsmayılov özünə süni düşmən yaradıb, onunla mübarizə aparacaq qədər balaca adamdır. Anlayıram ki, adam intriqasız, düşmənsiz yaşaya bilmir. Bu həm də özünün ictimai mövcudluğunu qorumağın bir yoludur. Təbii ucuz, primitiv və çirkin yoldur, ancaq adamın qabiliyyəti də yalnız buna çatır – qınamaq da olmaz. Ancaq buna məni şərik etməsin, mənim belə cılız söhbətlərə baş qoşmağa vaxtım, həvəsim və marağım yoxdur. Bu hələlik ilk xəbərdarlığımdır və ümid edirəm ki, sonuncu olacaq!

Qadir İBRAHİMLİ

Azərbaycan nefti ucuzlaşıb
İlham Əliyev Elmi-Tədqiqat İnstitutunun açılışında iştirak edib
Daha 300 məcburi köçkün ailəsinə ev verildi
Rusiyanın "Gazprom" şirkəti Azərbaycanda nümayəndəlik açdı
İlham Əliyevin İsveçrəyə səfəri başa çatdı
Xəbər lenti
24/01/2019 [12:03]:
Azərbaycan nefti ucuzlaşıb
24/01/2019 [11:50]:
İlham Əliyev Elmi-Tədqiqat İnstitutunun açılışında iştirak edib
24/01/2019 [10:46]:
Daha 300 məcburi köçkün ailəsinə ev verildi
24/01/2019 [09:15]:
Rusiyanın "Gazprom" şirkəti Azərbaycanda nümayəndəlik açdı
24/01/2019 [01:10]:
İlham Əliyevin İsveçrəyə səfəri başa çatdı
24/01/2019 [00:08]:
Venesuela müxalifətinin lideri prezident vəzifələrini ələ keçirdi
23/01/2019 [23:09]:
MSK siyasi partiyaların illik maliyyə hesabatlarını qəbul etməyə başlayıb
23/01/2019 [21:37]:
Azərbaycan sülhməramlılarının bir qrupu Əfqanıstana yola salınıb
23/01/2019 [20:06]:
AzTV-də kadr islahatına və audit yoxlamalara başlanılıb
23/01/2019 [18:29]:
İran Almaniyanı təxribatlara uymamağa çağırdı
23/01/2019 [17:03]:
Avropa ordusunu qurmaq üçün ilk addım atıldı
23/01/2019 [15:34]:
Klublarımızın qış transferləri
23/01/2019 [14:16]:
Gürcüstanda Azərbaycan mədəniyyəti günləri keçiriləcək
23/01/2019 [12:47]:
Bakıda qanunsuz parklanmaya nəzarət üçün 98 kamera quraşdırılıb
23/01/2019 [11:04]:
“Qaçqınkom”un bir neçə müəssisəsi ləğv edildi
23/01/2019 [09:37]:
Qulamhüseyn Əlibəyli Mehman Hüseynovun cinayət işinə xitam verilməsindən danışdı
22/01/2019 [23:48]:
İlham Əliyev və Nikol Paşinyan Qarabağı müzakirə etdilər - yenilənib
22/01/2019 [22:11]:
Bu il Azercell daha 25 tələbəni sevindirdi
22/01/2019 [21:16]:
Bu həftə Azərbaycan məktəblərində qış tətili başlayır
22/01/2019 [19:51]:
Axtarışda olan 15 nəfər saxlanıldı
22/01/2019 [18:19]:
Belarus boru kəmərləri ilə neft nəqli tariflərini artırıb
22/01/2019 [16:48]:
Azərbaycan əhalisinin sayı açıqlanıb
22/01/2019 [15:23]:
Kollegiya 3 vəkilin fəaliyyətini dayandırdı
22/01/2019 [13:59]:
Afaq Məsudun kitabı Misirdə nəşr olunub
22/01/2019 [12:13]:
Mehman Hüseynov barəsində cinayət işinin icraatına xitam verildi
Bütün xəbərlər...
Həftənin ən çox oxunanları
Azərbaycanda super nazirlik yaradılır - 1 nazirlik və 1 ASC ləğv edilir
Ramil Usubov 7 rayonun polis rəisini dəyişdi - siyahı
Ramil Usubov 2 rayona polis rəisi təyin etdi
İlham Əliyev 3 dövlət qurumunu ləğv etdi - fərman
İlham Əliyev 3 qurumu birləşdirdi - 1 qurum isə ləğv edildi
Deputat: Azərbaycanda elə proseslər baş verər ki, tüklərimiz biz-biz olar...
Müxalifətin mitinqi başa çatıb - yenilənib
Zamirə Hacıyevaya iki order təqdim edildi
Ramil Usubov polis rəisinin yerini dəyişdi
Vergilər Nazirliyində ixtisarlar olacaq - fərman
İstiqlal.az-ın arxivi
"İstiqlal.az"
Xəbər Portalı
e-mail: istiqlal.mmc@gmail.com
Copyright©2013 "İstiqlal.az" MMC
Materiallardan istifadə zamanı
www.istiqlal.az saytına
istinad zəruridir
X

Bəyənin və "İstiqlal.az"-ı Facebook lovhənizdən izləyin