Zülfüqarlıların zavoduna növbəti hücum- Fəhlələr prezidentdən kömək istəyir

15/05/2018 [14:33] - Gündəm (1812)



“Baku Steel Company” MMC-nin rəhbəri Rasim Məmmədovun iddalarının təmini Zülfüqarlı qardaşlarının zavodlarında ciddi etirazla qarşılanıb. Mayın 15-də Rasim Məmmədovun adamları Zülfüqarlıların Keşlə qəsəbəsindəki metal zavodunda növbəti dəfə hucuma keçiblər. İstədikləri də budur ki, zavoddakı istehsal xətti sökülüb onlara verilsin. Bu isə 300 fəhlənin işlədiyi bir zavodun iflic duruma salınması deməkdir. 

Mayın 11-də baş tutan ilk hucum əməliyyatı Zülfüqarlıların zavodunu iflic duruma salmışdı. 

Mayın 15-də də zavodda eyni durum yaşanırdı.  Üzərində “Baku Steel Company” sözləri yazılan ağır texnika ilə Zülfüqarlı qardaşlarının zavodunun iri giriş qapısının sındırılmasına cəhdlər oldu. Ən son məqamda Rasim Məmmədovun dəstəsi bu qanunsuz hərəkəti gerçəkləşdirmədi. İri zavod qapısının əks tərəfindən isə fəhlələr zavodun işini iflic duruma salınmasına yönələn qanunsuzluqların davam etdirilməsinə etiraz edir, işsiz-gücsüz zavodun həyətində ölkə rəhbərliyinin məsələyə müdaxilə edəcəyinə ümidlərini gizlətmirdilər. Bundan əvvəl isə baş verənlərlə bağlı Zülfüqarlı qardaşları ölkə rəhbərliyinə müracət ünvanlayıblar: 

- Biz daima Dövlətini, Prezidentini sevən, dövlətimizin verdiyi qərarlara hörmətlə yanaşan, dövlətimizin mənafeyini hər şeydən üstün tutan, bir iş adamları kimi Sizə müraciət edirik.Biz iş adamları Nurəddin və Loğman Zülfüqarlı qardaşları "Baku Steel Company” MMC-nin rəhbəri Rasim Məmmədov və onun havadarları tərəfindən əmlaklarımız "Bakı Poladtökmə” ASC, "Bakı Elektroştamp” ASC, Bakı şəhəri, Binəqədi şossesi 53 ünvanında yerləşən, şəxsi mülkiyyətimiz olan əmlak kompleksi, həmin kompleksin yanında yerləşən, kiçik qardaşımız Elnur Zülfüqarlıya məxsus qranit kəsmə sexi qarşılığında heç bir ödəniş edilmədən, zorla əlimizdən alınaraq qəsb edilib. Bundan sonra Rasim Məmmədovun təzyiqləri səbəbindən və həyatımız təhlükə qarşısında olduğundan ölkəni tərk etmək məcburiyyətində qaldıq. Uzun müddət Türkiyə Respublikasında mühacirətdə yaşadıqdan sonra, cənab Prezidentin sahibkarlara çağırışına cavab olaraq, İlham Əliyev cənablarının və şəxsən ölkəmizin I Vitse-Prezidenti kimi Mehriban xanım Əliyevanın sahibkarlara verdiyi dəstəkdən ruhlanaraq ölkəmizdə yeni iş qurmaq niyyəti ilə vətənimizə geri döndük. 

Ölkəmizə qayıtdıqdan sonra biz külli miqdarda investisiya yatıraraq, müasir tələblərə cavab verən yeni istehsal sahəsi yaratdıq. Bunun da nəticəsində artıq 300 nəfərdən yuxarı yeni iş yerləri açmışıq. Biz bu layihəni həyata keçirmək məqsədi ilə ölkəmizin ən böyük banklarından olan "Paşa Bank” ASC-dən külli miqdarda kredit götürmüşük. Bu istehsal sahəsini qurarkən, ölkə Prezidentinin "İnvestisiyaların təşviqi ilə bağlı əlavə tədbirlər haqqında” 18 yanvar 2016-cı il tarixli, 745 nömrəli Fərmanın uyğun olaraq İqtisadiyyat Nazirliyindən 12 oktyabr 2017-ci il tarixli, İN/İTS-122/2017 saylı İnvestisiya Təşviqi Sənədini də, əldə etmişik. Bizim istehsal etdiyimiz məhsullar beynəlxalq standartlara tam cavab verdiyindən, məhsullarımızın böyük hissəsi uğurla xaricə ixrac olunur. Biz qurduğumuz yeni istehsal sahəsi ilə bağlı artıq İSO sertfikatını da, almışıq. Biz Zülfüqarlı qardaşları iş adamları olaraq bununla kifayətlənməyərək, daha yeni və daha uğurlu layihələrin reallaşdırılması üzərində çalışırıq. 

Lakin çox təəssüf ki, bizim bu uğurlarımızı qısqanclıqla qarşılayan Rasim Məmmədov yenidən öz havadarlarının köməyinə arxalanaraq, bizim üstümüzə daha aqressiv şəkildə gəlməyə və bizə qarşı çox böyük təzyiqlər etməyə başlayıb. Bizə qarşı saxta iddialar qaldırtdıraraq, məhkəmələrə təzyiq etdirməklə əleyhimizə qeyri-qanuni qərarlar çıxartdırıb. Bu yolla tərəfimizdən quraşdırılmış və bizə məxsus olan istehsal xəttini zorla əlimizdən almağa çalışır.

Qeyd edək ki, həmin xətt bizim yeni qurduğumuz istehsal sahəsinin əsasını təşkil etdiyindən, Rasim Məmmədov həmin xətti bizim əlimizdən zorla almaqla yeni qurduğumuz və uğurla fəaliyyət göstərməkdə olan yeni istehsal sahəsini iflic vəziyyətinə salaraq, fəaliyyətini dayandırmaq istəyir. Artıq Rasim Məmmədovun təzyiqləri nəticəsində Bakı şəhəri, Nizami Rayon İcra və Probasiya Şöbəsindən bizə rəsmi qaydada xəbərdar ediblər ki, 11 may 2018-ci il tarixində qeyd edilən xətt məcburi qaydada sökülərək aparılacaqdır. Bir daha bildirmək istəyirik ki, həmin xəttin sökülməsi müəssisəmizin iflic vəziyyətinə düşməsinə səbəb olacaq ki, bununda nəticəsində həm 300 nəfərə yaxın adam öz iş yerlərini itirəcəklər. 

Bundan başqa reallaşdırmaq istədiyimiz yeni perspektiv layihələri həyata keçirmək mümkün olmayacaq. Qeyd edilənlərlə yanaşı bildirmək istəyirik ki, əgər müəssisəmiz Rasim Məmmədov tərəfindən məqsədyönlü şəkildə iflic vəziyyətinə salınarsa, bizim "Paşa Bank” ASC qarşısında kredit ödənişləri ilə bağlı götürdüyümüz müqavilə öhdəliklərinə əməl etməyimiz demək olar ki, mümkünsüz vəziyyətə gələcəkdir.

Biz bu ölkənin vətəndaşları deyilikmi? Bizim vergilər şəklində ödədiyimiz külli miqdarda vəsait bizim ölkəmizin büdcəsinə zərrə qədərdə olsa xeyir vermirmi? Bizm müəssisədə çalışan 300 nəfərdən artıq əməkdaş bu ölkənin vətəndaşları deyilmi? Axı bizə qarşı edilən bu ayrı-seçkilik haradan qaynaqlanır?

Hər danışığında Ramiz Mehdiyevin adını hallandıraraq ona arxalanan Rasim Məmmədovun hərəkətlərinə son qoyulmasını tələb edirik. 3 zavodumuzun zorla əlimizdən alınması bəs deyilmiş kimi son dayanacağımız olan, Bakının Keşlə qəsəbəsində yerləşən zavodumuzdakı prokat xəttini də özününkiləşdirərək əlimizdən alınması artıq bizim üçün namus məsələsidir. 

Ulu öndərimiz Heydər Əliyevin ad günündə müxtəlif güc strukturlarının müşaiyəti ilə zorla zavoda girib alın tərimizlə qazanıb qurduğumuz prokat xəttinin sökülməsinə icazə verməyəcəyik. Ona görə də, ölümlə nəticələnə biləcək qarşıdurma yaranmasın deyə verilən icra qərarının dayandırılması ilə bağlı lazımi göstəriş verməyinizi öz adımızdan və müəssisəmizin çoxsaylı kollektivi adından Sizdən xahiş edirik. 


Qeyd edək ki, hazırda zavod iflic durumdadır. Fəhlələr işsiz-gücsüz baş verənlərin nə ilə nəticələnəcəyini gözləyirlər. Ümid edirlər ki, ölkə rəhbərliyi qanunsuzluqları durduracaq.  

Baş Dövlət Yol Polisi İdarəsi sürücülərə müraciət edib
İlham Əliyev əlillərlə bağlı fərman verdi
Azərbaycanda bağlı qalmış 9 cinayətin üstü açıldı
Nazpəri Dostəliyevanın elmi dərəcəsi saxta çıxdı
Azərbaycanda hər 10 min nəfərə 15 vəkil düşəcək
Xəbər lenti
19/07/2018 [15:29]:
İyulun 18-də keçirilmiş imtahanın nəticələri 2 gün ərzində açıqlanacaq
19/07/2018 [14:39]:
Baş Dövlət Yol Polisi İdarəsi sürücülərə müraciət edib
19/07/2018 [14:18]:
İlham Əliyev əlillərlə bağlı fərman verdi
19/07/2018 [13:58]:
Azərbaycanda bağlı qalmış 9 cinayətin üstü açıldı
19/07/2018 [13:33]:
Nazpəri Dostəliyevanın elmi dərəcəsi saxta çıxdı
19/07/2018 [13:03]:
Azərbaycanda hər 10 min nəfərə 15 vəkil düşəcək
19/07/2018 [12:59]:
Vüsal Kərimli: "Piyada səkiləri və dayanacaq yerləri zəbt edilib"
19/07/2018 [12:18]:
Bakıda kitabxanaların əməkdaşlığı genişlənir
19/07/2018 [11:41]:
Azərbaycan nefti yenə ucuzlaşıb
19/07/2018 [11:18]:
Azərbaycan-İtaliya biznes forumu keçirilib
19/07/2018 [10:53]:
İtaliya prezidentinə “Heydər Əliyev” ordeni təqdim edilib
19/07/2018 [09:58]:
Çempionlar Liqası: "Qarabağ" növbəti mərhələdə
19/07/2018 [00:36]:
İlham Əliyev 1 sərəncam, 4 fərman imzaladı - yenilənib
18/07/2018 [23:32]:
Hüseyn Abdullayevlə gizli əlbir olan məmurlar vəzifələrdən qovulur - təfsilat
18/07/2018 [22:25]:
“Xəzər Lənkəran” klubunun stadionu sıradan çıxdı
18/07/2018 [21:34]:
Rusiya DÇ-2018-in təşkilindən nə qədər əldə edib?
18/07/2018 [20:42]:
Alternativ enerji üçün ayrılan pullar hara gedib?- Qohumlara xərclənən milyonlar
18/07/2018 [19:57]:
Ağdaşda yeni zavod tikilir
18/07/2018 [19:16]:
Bakıda tuneli bağlayıb şampan partladan gənclər tutuldu
18/07/2018 [18:23]:
Neft Fondunun aktivləri 38 milyard dollara çatıb
18/07/2018 [17:37]:
Prokuror keçmiş icra başçısına 8 il həbs istəyib
18/07/2018 [16:49]:
Bu il 41 minə yaxın yeni vergi ödəyicisi qeydiyyatdan keçib
18/07/2018 [15:58]:
Xəzər sahilinin hasarlanmasının monitornqi keçirilib
18/07/2018 [15:11]:
I və IV qruplar üzrə keçirilən qəbul imtahanı başa çatıb - yenilənib
18/07/2018 [14:31]:
Kiyevdə Müslüm Maqomayevin adına park açılır
Bütün xəbərlər...
Həftənin ən çox oxunanları
Sumqayıta xüsusi təyinatlı bölmələr daxil oldu: 18 nəfər həbs edildi
Deputat icra başçılarının üstünə getdi- Özünü quldurbaşı kimi aparan, xalqın nifrətini qazanmış şəxslər...
Zoologiya İnstitutunda söyüşcül direktordan şikayət edənlər işdən çıxarılır
Elmar Vəliyevin səhhəti ilə bağlı açıqlama
Bakıda polis rəisi iş başında vəfat edib - təfsilat
İlham Əliyev 9 sərəncam, 5 fərman imzaladı - yeni təyinatlar var
Nazirlər Gəncəyə getdi - 9 nəfər həbs edildi
Nazir 2 idarə rəisini işdən çıxartdı
Vergilər naziri 19 nəfəri işdən qovdu - siyahı
Elmar Vəliyevə sui-qəsdin daha bir iştirakçısı həbs edildi - foto
İstiqlal.az-ın arxivi
"İstiqlal.az"
Xəbər Portalı
e-mail: istiqlal.mmc@gmail.com
Copyright©2013 "İstiqlal.az" MMC
Materiallardan istifadə zamanı
www.istiqlal.az saytına
istinad zəruridir
X

Bəyənin və "İstiqlal.az"-ı Facebook lovhənizdən izləyin