Əli Həsənov: “Tutduğunuz səhv yoldan çəkinin”

10/05/2018 [17:29] - Siyasət (1239)



“Dünən Azərbaycana qarşı “xüsusi marağı” ilə fərqlənən ABŞ Konqresinin Helsinki Komissiyasında ölkəmizdəki seçkilər və fundamental azadlıqlarla bağlı növbəti dinləmələr keçirildi”.

Bunu prezidentin İctimai-siyasi məsələlər üzrə köməkçisi, Prezident Administrasiyasının şöbə müdiri Əli Həsənov özünün “facebook” səhifəsində yazıb. 

Ə. Həsənov “Helsinki Komissiyasındakı dinləmələrlə bağlı bəzi mülahizələr” başlığı ilə paylaşdığı yazıda qeyd edib ki, məhz bu Komissiyanın sədri konqresmen Kris Smit hələ 2016-cı ilin dekabrında Azərbaycana qarşı sərt sanksiyaları nəzərdə tutan qanun layihəsi irəli sürüb.

“Həmin layihənin müddəaları istər iqtisadi, istər siyasi, istərsə də hərbi sferada ABŞ-Azərbaycan münasibətlərini ciddi şəkildə korlamağa yönəlmişdi. Bu həmin Smitdir ki, uzun müddətdir, qondarma erməni soyqırımının ABŞ hökuməti tərəfindən tanınması üçün xüsusi canfəşanlıq göstərir. Bütün ölkələrə, xalqlara və konfessiyalara eyni münasibət sərgiləməli olan Komissiya sədri özünün Ermənistana və erməni xalqına xüsusi sevgisinin olduğunu dəfələrlə etiraf edib”, - deyə Ə. Həsənov əlavə edib.

Prezidentin köməkçisinin fikrincə, budəfəki dinləmələrin də məhz onun rəhbəri olduğu Komissiya tərəfindən təşkil edilməsini təsadüfi saymaq olmaz: “Tədbirdə ölkəmizdəki prosesləri yaxından izləyən, ona maraq göstərən insanlarla yanaşı, müxtəlif səbəblərdən daim kəskin anti-Azərbaycan mövqeyi tutan “ekspertlər” də iştirak edib. Dinləmələrdəki çıxışlarla tanışlıq natiqlərin Azərbaycanda baş verən proseslər, ölkəmizdəki siyasi qüvvələr nisbəti, özlərini siyasi partiya və ya ictimai hərəkat kimi təqdim edən bəzi qurumların cəmiyyət həyatındakı real çəkisi və gerçək niyyətləri barədə çox səthi, əksər hallarda isə yanlış təsəvvürə malik olduqlarını göstərdi. Xarici qrant və ianələr hesabına Azərbaycandan kənarda informasiya resursu yaradan, bir neçə il əvvəl həmin resursa məxsus saytda erməni soyqırımının tanınmasının vacib olduğu barədə məqalə yerləşdirən bir “soydaşımız” yenə də sanksiya məsələsini gündəmə gətirdi, Azərbaycanın lobbiçilik sahəsindəki fəaliyyətini tənqid etdi, ABŞ-ı və Avropa İttifaqını növbəti dəfə ölkəmizə ciddi təzyiq göstərməyə çağırdı”.

Ə. Həsənovun sözlərinə görə, qəribə olan həm də budur ki, son dövrlər özünü Avropadakı “iaşə müxalifəti lideri” kimi tanıtmış, vulqar davranışı, təhqiramiz ritorikası və azərbaycanlıya xas olmayan saç düzümü ilə fərqlənən birisi də həmin tədbirə dəvət edilib: “Nə danışdığının fərqində olmayan bu “iaşə lideri” Qərb ölkələrini Azərbaycan hakimiyyəti ilə normal münasibət saxlamaqda ittiham edir, Avropa Birliyi, aparıcı Avropa ölkələri və ABŞ liderlərinin növbədənkənar prezident seçkilərindən sonra cənab İlham Əliyevə məktub göndərərək onu təbrik etmələrini az qala faciə sayır. Təəssüf hissi ilə bildirirəm ki, xaricdə məskunlaşmış bəzi soydaşlarımız bu gün anti-Azərbaycan dairələrin əlində bir alətə çevrilib. Onlardan dövlətimizi, xalqımızı və ölkə hakimiyyətini gözdən salmaq üçün fəal istifadə edirlər. Görünür, bütün bu canfəşanlıq, müxtəlif ölkələrdə keçirilən tədbirlər, bir ölkədən digərinə və hətta bir qitədən başqasına edilən səfərlər sırf şəxsi təşəbbüs deyil. Heç şübhəsiz, bütün bunların arxasında xaricdəki bəzi anti-Azərbaycan dairələrdən və imkanlı azərbaycanlılardan alınan böyük miqdarda pullar və mütəmadi təlimatlar dayanır.

Belələrinə üz tuturam: tutduğunuz səhv yoldan çəkinin. Xaricdə öz ölkənizə və xalqınıza qarşı belə canfəşanlıqla təbliğat aparmaqdansa, intellektinizin imkan verdiyi dərəcədə Dağlıq Qarabağ münaqişəsi ilə bağlı həqiqətləri yaşadığınız ölkələrin ictimaiyyətinə çatdırın. Bacarırsınızsa həmin ölkələrdə Azərbaycanın haqq sözünü deyən, Ermənistanın işğalçılıq siyasətinə qarşı çıxan siyasətçilərlə, politoloqlarla, QHT və KİV nümayəndələri ilə əlaqə qurun, onları öz tədbirlərinizə cəlb edin. Belə etsəniz, mənsub olduğunuz xalqın hörmət və etimadını qazanarsınız... Bir sualım da var: sizcə, dünənki dinləmələrdə salonda oturan erməni lobbisi təmsilçiləri öz ölkələrini sizin kimi müzakirə hədəfinə çevirərdilərmi? Hər halda, düşünməyə dəyər”.
İlham Əliyevdən yeni təyinat: 7 sərəncam, 3 fərman
Gürcüstanda prezident seçkisinin ikinci turunun tarixi elan olunub
“Azadlıq” qəzetinin ofisində oğurluq olub
Eldar Əzizov polis rəisinin tikintisini dayandırdı - Qanunsuz olduğu iddia edilir
Deputatdan çağırış: “Rüfət Aslanlının bütün əmlakı şəhid ailələrinə verilsin”
Xəbər lenti
15/11/2018 [00:01]:
İlham Əliyevdən yeni təyinat: 7 sərəncam, 3 fərman
14/11/2018 [23:42]:
Azərbaycanda yeni cərimələr təsdiqləndi
14/11/2018 [22:28]:
Gürcüstanda prezident seçkisinin ikinci turunun tarixi elan olunub
14/11/2018 [21:36]:
“Azadlıq” qəzetinin ofisində oğurluq olub
14/11/2018 [20:34]:
Eldar Əzizov polis rəisinin tikintisini dayandırdı - Qanunsuz olduğu iddia edilir
14/11/2018 [19:41]:
Deputatdan çağırış: “Rüfət Aslanlının bütün əmlakı şəhid ailələrinə verilsin”
14/11/2018 [18:54]:
Azərbaycana sərt qış gəlir
14/11/2018 [18:07]:
Bakılı İsraildə seçkilərdə qalib gəldi və mer oldu
14/11/2018 [17:31]:
Səfir: “BƏƏ bazarlarında Azərbaycan məhsulları satılır”
14/11/2018 [17:23]:
Kreml Putinin İstanbul səfərinin detallarını açıqladı
14/11/2018 [16:29]:
Gürcüstanın Azərbaycana 8 milyon dollara yaxın borcu var
14/11/2018 [15:46]:
Deputat Konstitusiya Məhkəməsinə etiraz etdi
14/11/2018 [14:59]:
Gürcüstan həbsxanalarında nə qədər Azərbaycan vətəndaşı saxlanılır? - rəsmi
14/11/2018 [14:57]:
2019-cu il dövlət büdcəsi birinci oxunuşda qəbul edildi
14/11/2018 [14:08]:
"Azerbaijan Kids Fashion Week 2018" keçiriləcək
14/11/2018 [13:16]:
Türkiyə aviasiyası İraqın şimalında daha 19 terrorçunu məhv etdi
14/11/2018 [12:52]:
Daha bir elektrik stansiyasında partlayış - yaralılar
14/11/2018 [12:27]:
Bu il Azərbaycanda yol qəzaları zamanı 527 nəfər ölüb - rəsmi
14/11/2018 [11:39]:
Azərbaycan güləşçisi dünya çempionatında bürünc medal qazanıb
14/11/2018 [10:44]:
OPEC Azərbaycan üzrə proqnozunu açıqladı
14/11/2018 [09:58]:
Cavid Qurbanov “Hafka” və Ziya Məmmədovu məhkəməyə verdi
14/11/2018 [00:03]:
İlham Əliyevin işdən çıxartdığı nazir müavini kimdir? - bioqrafiya
13/11/2018 [23:23]:
“Brent” neftinin qiyməti 66 dollardan aşağı düşüb
13/11/2018 [22:39]:
Bakıda keçmiş icra məmuru həbs edilib
13/11/2018 [21:26]:
Azərbaycanda Slovakiyanın səfirliyi açılacaq
Bütün xəbərlər...
Həftənin ən çox oxunanları
Daha bir nazir oğlunun Londonda mülkləri aşkarlandı - sənədlər
Kəmaləddin Heydərov və Baba Rzayev hadisə yerində - yenilənib
İlham Əliyevin işdən çıxartdığı nazir müavini kimdir? - bioqrafiya
İlham Əliyevdən yeni təyinatlar - siyahı
Azərbaycanın sabiq naziri Türkiyəyə buraxılmadı
Həbs edilən İlkin Məmmədli kimdir? - gizli detallar
İcra başçısının fotoları məktəbli kitabçalarında - fotolar
İlham Əliyev sərəncam imzaladı
Yaşar İsakova DTX-də vəzifə verildi
İlham Əliyev yeni sərəncam verdi
İstiqlal.az-ın arxivi
"İstiqlal.az"
Xəbər Portalı
e-mail: istiqlal.mmc@gmail.com
Copyright©2013 "İstiqlal.az" MMC
Materiallardan istifadə zamanı
www.istiqlal.az saytına
istinad zəruridir
X

Bəyənin və "İstiqlal.az"-ı Facebook lovhənizdən izləyin