Bakıda 100 min manata xalça satılır

17/04/2018 [16:28] - Cəmiyyət (2301)



Evi xalçasız təsəvvür etmək çətindir. Ümumiyyətlə, tarixən Şərqdə xalça qüdrət və zənginlik rəmzlərindən hesab edilib. Əl işi olan xalçalar isə ev sahibinin incə zövqündən xəbər verərmiş. Elə indi də, baha olsa da, sırf əl işi olan xalçalara üstünük verənlər az deyil.

Bu gün bazarlarda istənilən dizaynda və ölçüdə xalçalara rast gəlmək mümkündür. Bazarlarda yer alan xalçalar isə əsasən Türkiyə və İrandan gətirilir. Əksəriyyəti isə fabrik istehsalı olan xalçalardır. Əllə toxunan xalçalar da mağazalarda yer almaqdadır. Biz də xalçaların qiyməti, alıcıları, keyfiyyətli xalçanı necə ayırd etmənin yollarını öyrənmək üçün yolumuzu bir neçə xalça mağazasından saldıq. Müşahidəmiz zamanı məlum oldu ki, hazırda satışda ən bahalı İran xalçaları hesab edilir. Baş çəkiyimiz xalça mağazasının satıcısı Nazim Əliyev əl işi olan xalçaların hər zaman öndə getdiyini dedi: “Mağazamızda həm fabrik, həm də əl işi olan xalçalar yer alır. Amma əllə toxunan xalçalar digərlərinə nisbətən bahadır. Xüsusən də İranın əl işi xalçalarının qiyməti 800 manatdan başlayır. Bunların da növü var. İpək saplarla toxunan xalça var ki, onun qiyməti 100 min manatdır. Hazırda həmin xalça mağazamızda yoxdur, amma istəyən olarsa, sifarişlə gətirdirik. Düzdür, bu cür baha xalçaları alan olduqca azdır, hətta heç yoxdur belə deyə bilərik. Ötən il bu cür xalçalardan birini tanınmış bir iş adamına satdıq. Bu xalçalar ipək saplarla əllə toxunur. Xalçaya baxanda müxtəlif rəngə çaldığını görərik. Bu da saplar ipək olduğu üçündür. O xalçalara toxunanda xüsusi zəriflik və yumşaqlıq hiss edirsən”.

Digər xalça mağazasının satıcısı Murad Əfəndiyev isə daha çox Türkiyə istehsalı olan xalçaların satıldığını dedi: “ Türkiyə istehsalı xalçaların ölçüsünə görə qiyməti dəyişir. Xalça var 80 manata, xalça var 500-600 manata. Hətta elə Türkiyə istehsalı xalçalar var ki, onların qiyməti 1000 manatdır. İran xalçalarının ən ucuzu isə 600 manatdır. Mağazamızda 2000, hətta 5000 manata xalçalar var. Qiymət xalçanın dizaynına, ölçüsünə, əl işi olub olmamasına, istehsal yerinə, dəbə uyğun olmasına, mətbəx, yataq otağı və ya oturma otağına salınmasına görə fərqlənir”.

Qeyd edək ki, əvvəllər satılan xalçaları 15-20 il işlətsən belə yeni kimi qalırdısa, indiki xalçaların ömrü 5-6 il olur. İnsanlar arasında hər zaman xalçaların bir dəfə yuyulduqdan sonra rənginin axması, tərkibində sintetikanın çox olması, bir müddət işlədildikdən sonra sökülməsi, tozsoranla təmizlənərkən görkəmini itirməsi, xoşagəlməyən qoxu verməsi və s. barədə şikayətləri eşidirik.

Maraqlıdır, bəs bu cür hallarla üzləşməmək üçün xalça alarkən nələrə diqqət etməliyik?

Bu sualımızı cavablandıran satıcılar bunu xalçanın arxa üzünə baxmaqla anlamağın mümkün olduğunu dedilər: “Xalçanın arxasında mütləq onun istehsal yeri olmalıdır. Bir də xalçanın arxasında üzərində olan naxışların kölgələri düşmüş olur. Xalçanın toxunuşu sıx olur. Çindən gətirilən xalçaları adicə sulu əski ilə siləndə əskiyə rəng çıxdığını görərsiniz. Xalçanın toxunuşu nə qədər sıxdırsa, demək ki, bir o qədər də keyfiyyətlidir”.

Xalça dəbinə gəlincə isə, alıcı qabiliyyətinə görə hazırda oval formasında olan xalçalara daha çox tələbat olduğunu dedilər: “Məsələn, bir müddət əvvəl ”lepka" ilə işlənmiş güllü xalçalara tələbat böyük idi, hazırda isə oval, üzərində dördkünc işləmələr olan xalçalar alınır. Elə adamlar olur ki, milli ornament əks edildiyi xalçalardan istəyir. Bu cür xalçalar xarici ölkələrdə sifariş əsasında hazırlatdırılır. Qədimi xalça istəyənlər də olur. Ancaq bizim mağazamızda bu cür qədimi xalçalar yer almır. Onu ancaq İçərişəhərdə tapmaq olar. Biz müasir tələblərə cavab verən xalçalar gətiririk. Alıcılar əvvəllər qarışıq naxışlı xalçalara üstünlük verirdisə, indi daha sadə və bir rəng xalçalar alınır".

Qeyd edək ki, Azərbaycan xalçalarına heç bir ölkənin xalçaları çata bilməz. Hətta indi də ölkəmizə təşrif buyuran əcnəbilərin ilk işi Azərbaycanın milli xalçalarına baxmaq və ya almaq olur. Təəssüf ki, vaxtilə öz görünüşü, keyfiyyəti ilə dünyaya səs salan Azərbaycan xalçaların bir qismi  90-cı illərdə dəyər-dəyməzinə satıldı. Azərbaycan xalçalarının satışı hazırda yalnız “Qız qalası”nın ətrafında fəaliyyət göstərən xalça mağazalarında təşkil edilir. Onların da əksəriyyəti kiçikölçülü suvenir xalçalardır. Bu bazarın müştərilərinin əksəriyyəti də əcnəbilərdir. Bu cür Azərbaycan xalçalarının satışı ilə məşğul olan Ənvər Məmmədov deyir ki, Azərbaycan xalçasını min xalçanın içərisinə də qoysan onu seçmək mümkündür: “Azərbaycan xalçalarına xas olan rəng qırmızıdır ki, bu da qədimdən oda sitayişimizlə bağlı olub. Bundan başqa, Azərbaycan xalçaları dünyada buta ilə tanınır. Hər bölgənin xalçası öz nişanəsinə görə seçilir. Məsələn, Bakı xalçaları 3 dalğa və 3 od işarəsi, Qarabağ xalçaları isə çəhrayı naxışları ilə seçilir. Ancaq hazırda bazarda Quba, Şirvan, Qazax, Şəki xalçaları daha çoxdur. Yaşı 20 illiklərlə ölçüləni də var,  yenicə toxunub gələni də. Elə insanlar var ki, yaşı 30-40 il olan xalçasını gətirib satır. Bu xalçaları onlar lazımsız hesab etsələr də, əslində bu bizim tariximizdir”.

Onu da öyrəndik ki, yun xalçalar qoyun və quzu yunundan olur. Quzu yunundan olan xalçalar parıltısı və yumşaqlığı ilə seçilir. Daha çox Qazax, Quba, Qarabağ xalçaları quzu yunundan toxunur. Şirvan xalçaları əsasən qoyun yunundandır.

Qeyd edək ki, xalçalar dekorativ effektdən başqa, həm də müalicəvi, ortopedik, rahatlığın təminatçısı kimi xüsusiyyətlərə malikdir. Məsələn, divardan asılan xalça havanı təmizləyir, tozu özündə saxlayır. Təbii materiallardan - yun və ipək iplərdən toxunmuş xalçalar allergik reaksiya yaratmır, otaqdakı nəmi hopduraraq özünə çəkməyi bacardığından evdəki mikroiqlimi yaxşılaşdırır. Eyni zamanda səs izolyasiya funksiyasını yerinə yetirir, otağı isidir. Bundan başqa, ipək xalça üzərində ayaqyalın gəzmək faydalıdır və insanda xoş əhvali-ruhiyyə yaradır, yun xalça isə pəncələri masaj edir.

musavat.com


Azərbaycanın Ukraynadakı səfiri söz azadlığına qarşı
Qod Nisanov Moskvada ermənilərlə üz-üzə - Bakıda isə onun yaxınlarına qarşı qanunsuzluq edirlər
Vəziyyət pisdir və daha da pis olacaq - nə etməli?
Ata-anasını itirmiş qız 500 manat borca görə imtahana buraxılmır - təfsilat
Bakıda koronavirusa yoluxma ən çox hansı rayonda qeydə alınıb? - statistika
Xəbər lenti
03/08/2020 [23:57]:
Paytaxtda və ətraf regionda yenidən ciddi məhdudiyyətlər tətbiq olunacaq
03/08/2020 [21:36]:
BNA: Xəttə az avtobus çıxaran daşıyıcıya qarşı ən sərt tədbir görüləcək
03/08/2020 [20:54]:
"Neftçi" və "Qarabağ"ın sabiq məşqçisi "Valensiya"da işləyəcək
03/08/2020 [18:57]:
"Microsoft" Trampdan çəkinərək “TikTok”u almaqdan vaz keçdi
03/08/2020 [18:32]:
Məktəblər sentyabrda açılacaq?
03/08/2020 [17:33]:
Türkiyədə sağlam qida məhsulları tədarükü üçün ciddi tədbirlər görülür
03/08/2020 [17:30]:
Çimərliklər bu saatadək açıq olacaq
03/08/2020 [17:15]:
Rayonlara getməyə icazə veriləcək?
03/08/2020 [17:14]:
Sahibkarlara 250 manat yardım veriləcək
03/08/2020 [16:16]:
Azərbaycanda karantin rejimi yumşaldılır - Avqustun 5-dən bu dəyişikliklər olacaq
03/08/2020 [16:10]:
Yubilyar kino xadimləri təbrik edilib
03/08/2020 [15:50]:
Söz azadlığına qarşı olan səfirin məhkəməsi başlayır
03/08/2020 [15:29]:
Azərbaycanın qızıl ixracından gəlirləri 22% artıb
03/08/2020 [15:25]:
Jurnalist aclıq aksiyasını davam etdirir
03/08/2020 [14:37]:
Dünyanın iki ölkəsində yeni kütləvi infeksiya yayıldı
03/08/2020 [14:29]:
Çin hökuməti Azərbaycana tibbi ekspertlər qrupu göndərir
03/08/2020 [13:25]:
“Çelsi” “Bavariya” ilə oyun öncəsi itkilərlə üzləşib
03/08/2020 [12:36]:
İki bacı 50 ildən sonra koronavirus sayəsində bir-birini tapıb
03/08/2020 [12:15]:
ABŞ fransızlardan 100 milyon dozalıq COVİD-19 peyvəndi alır
03/08/2020 [11:49]:
Yaponiyada ABŞ hərbçiləri arasında koronavirusa yoluxanların sayı artır
03/08/2020 [11:12]:
Türkiyə və İspaniya freqatları Egey dənizində...
03/08/2020 [10:48]:
Belarusda koronavirusa yoluxanların sayı 68 mini ötdü
03/08/2020 [10:00]:
"Barselona" Rakitiçi satır
02/08/2020 [23:59]:
"Messini ya yuxumda, ya da Playstationda dayandıra bilərəm"
02/08/2020 [21:56]:
"Seçkilər əvvəldən planlaşdırıldığı kimi 3 noyabrda keçiriləcək"
Bütün xəbərlər...
Həftənin ən çox oxunanları
Türkiyədə erməni müğənninin konserti ləğv olundu
Azərbaycanda benefisarlar haqda niyə danışılmır?
Hərb tariximiz Azərbaycan muzeylərində
İyunda Azərbaycanın yeyinti məhsulları ixracı artıb
Alimlər: Pandemiyaya səbəb olan koronavirusun əcdadı Çində 40-70 il əvvəl ortaya çıxıb
“Fitch”: Bu ilin sonuna Azərbaycanın strateji valyuta ehtiyatları 38,3 mlrd. dollar təşkil edəcək
Azərbaycanın Ukraynadakı səfiri söz azadlığına qarşı
BMT pandemiya zamanı turizm sektorunun itkilərini hesablayıb
Xoca Əhməd Yasəvinin məqbərəsi bərpa edilib
Azərbaycanda Qurban bayramı qeyd edilir
İstiqlal.az-ın arxivi
"İstiqlal.az"
Xəbər Portalı
e-mail: istiqlal.mmc@gmail.com
Copyright©2013 "İstiqlal.az" MMC
Materiallardan istifadə zamanı
www.istiqlal.az saytına
istinad zəruridir
X

Bəyənin və "İstiqlal.az"-ı Facebook lovhənizdən izləyin