Əkrəm Həsənov: “Əsas günahkarlar, başda Mərkəzi Bank olmaqla, bankirlərimizdir”

11/01/2017 [16:59] - İqtisadiyyat (244)



Nazirlər Kabinetinin yanvarın 10-da keçirilən iclasında Azərbaycan prezidentinin əsas tənqid etdiyi sahə bank sektoru oldu. Prezident hətta bildirdi ki, ölkə iqtisadiyyatına ən böyük zərbəni bank sektoru vurub.

Bundan başqa, İ.Əliyev deyib ki, keçən il bank sektorunun sağlamlaşdırılmasına yönəlik önəmli addımlar atılıb, nəzarət gücləndirilib, şəffaflıqla bağlı, cəza, inzibati tədbirlər görülüb. «Ona görə, bu sektorun təmizlənməsi, sağlamlaşdırılması, şəffaflaşması, beynəlxalq standartlara uyğunlaşması istiqamətində bu il də ciddi addımlar atılacaq. Qanunu pozan şəxslərlə bundan sonra da ciddi mübarizə aparılacaq», – deyə prezident qeyd edib.

Bank məsələləri eksperti Əkrəm Həsənov AzadlıqRadiosuna müsahibəsində prezidentin bank sektoru ilə bağlı fikirlərini şərh edib.


– Əkrəm bəy, prezident «İqtisadiyyatımıza ən böyük zərbə vuran bank sektoru olub» deyəndə nəyi nəzərdə tutur?

– İlk növbədə, bank sahiblərini və bank rəhbərlərini nəzərdə tuturdu. Çoxları məsuliyyətsiz və cinayətkar kredit siyasəti həyata keçirib. Faktiki, ya pulları bilərəkdən banklardan oğurlayıblar, ya da necə gəldi kredit verib bankları müflis vəziyyətə salıblar. Nəticədə problemli kreditlər artır, əmanətlər çıxarılır, kreditləşmə azalır, iqtisadiyyatda böhran dərinləşir. Buna görə də ötən il 11 bank bağlandı. Bu il də ardı olacaq. Digər tərəfdən, dövlət başçısı Mərkəzi Bankı (MB) da nəzərdə tuturdu, çünki bank sisteminin başında o durur və öz pul və məzənnə siyasəti ilə iqtisadiyyata zərbə vurdu.

– Bank sektorunun iqtisadiyyata zərbə vuracaq duruma düşməsinin günahkarı kimdir və ya nədir?

– Əsas günahkarlar başda MB olmaqla, bankirlərimizdir. Ötən il Maliyyə Bazarlarına Nəzarət Palatası da həmin siyahıya qoşuldu.

– Keçən il bank sektorunda sağlamlaşdırma ilə bağlı yetərli addımlar atıldımı?

– Bankların bağlanmasının özü müəyyən mənada sağlamlaşdırmadır, çünki xəstə hüceyrələri məhv etdilər ki, sağlamlar yoluxmasın. Amma bu, yarımçıq addım oldu. Bağlanmalı xeyli bank qalıb hələ. Digər tərəfdən, birbaşa sağlamlaşdırma, yəni hansısa bankın xilası baş tutmadı. Heç «Bank Standard»ı sağlamlaşdıra bilmədilər. Çünki həqiqi durum haqda təsəvvür yoxdur. Varsa da belə, onu üzə çıxarmaq istəmirlər, çünki üzə çıxarmalı olanların əliəyriliyinin nəticəsidir.

– Siz həmişə təklif edirdiniz ki, bankları pis duruma salanlar cəzalanmalıdır. Prezident deyib ki, qanunu pozan şəxslərə qarşı bundan sonra da ciddi mübarizə aparılacaq…

– Bəli, təəssüf ki, ötən il Cahangir Hacıyevdən (Beynəlxalq Bankın keçmiş sədri-red.) savayı, cəzalandırılan olmadı. Halbuki Beynəlxalq Bankdan başqa, «Bank Standard» və «Texnikabank» kimi iri banklar da çökdü və dövlətə xeyli zərər vurdu. Amma onların nə sahibləri, nə də idarəçiləri məsuliyyətə cəlb olundu. Əksinə, bəziləri hazırda heç nə olmamış kimi digər banklarda çalışır. Onlara bərbad nəzarət etmiş MB-dən də heç kəs cəzalandırılmadı. Ümid edirəm ki, prezidentin bu çağırışından sonra onları məsuliyyətə cəlb edəcəklər.

– Neft Fondundan Mərkəzi Banka transfert manatı qorumağa bəs edəcəkmi?

Manatın kəskin devalvasiyaya məruz qalmaması, yəni dolların 3 manatı keçməməsi üçün, böyük ehtimalla, kifayət etməlidir. Amma hər bir halda, devalvasiya tədricən davam edəcək. Burada əsas məsələ transfertin nə vaxt olacağıdır. Axı manat hər gün ucuzlaşır. Buna görə də 7.5 milyard manatın dəyəri də daimi deyil. Məsələn, ötən ilin əvvəlində təxminən 4.8 mlrd dollar edirdi, indi 4.2 mlrd dollar edir. Sabah nə qədər edəcək, bilinmir. Yəni burada qeyri-müəyyənlik var.
Müharibə də siyasətin davamı deyilmi? - təhlil
İlham Əliyev generalları döyüş bölgəsinə yolladı
Azərbaycan üçün hansı təhlükəsizlik müstəvisi cəlbedicidir? - təhlil
Yoxsa Azərbaycan da "ərəbləşmək"də və "iranlaşmaqda"dır?
"Standard & Poor's": Azərbaycanda dolların məzənnəsi 1,87 manata yüksələcək
Xəbər lenti
22/08/2017 [00:37]:
Əfqanıstan paytaxtında partlayış
21/08/2017 [23:40]:
Dələduzluqda təqsirləndirilən müəlliməyə hökm oxundu
21/08/2017 [22:37]:
Avropadan Sakit Okeana qədər dəmir yolu çəkilir
21/08/2017 [21:36]:
Kömək etmək istəyən sürücünü yük maşını vurub öldürdü - Video
21/08/2017 [20:30]:
Ali məktəblərin boş qalan plan yerlərinə 621, kolleclərə 7806 nəfər qəbul olub
21/08/2017 [20:14]:
Salyanda iki maşın toqquşdu - biri transformatora, o biri divara çırpıldı
21/08/2017 [19:26]:
Baş redaktor DTX-ya çağırıldı
21/08/2017 [19:15]:
Ali məktəblərin boş qalan plan yerlərinə müsabiqənin nəticələri açıqlanıb
21/08/2017 [19:11]:
Suriya ordusu Hələbi İŞİD-çilərdən tam təmizlədi
21/08/2017 [18:45]:
İlham Əliyev “İçərişəhər”ə yeni direktor təyin etdi
21/08/2017 [18:24]:
Bir qrup hüquq müdafiəçisi "Turan" bağlı prezidentə müraciət etdi
21/08/2017 [18:13]:
Jurnalisti döyüb öldürənlərin şikayəti üzrə məhkəmənin vaxtı açıqlanıb
21/08/2017 [17:52]:
“Saakaşvili sərhədi keçən kimi güllələyin!”
21/08/2017 [17:35]:
Gövhər Baxşəliyevanın adından yalan açıqlama yayılıb? - akademik "kürd məsələsi"nə aydınlıq gətirdi
21/08/2017 [17:21]:
Dolların sabaha olan məzənnəsi
21/08/2017 [17:18]:
Ərdoğan: "Türkiyə və İran regionda birgə əməliyyatlara başlayır"
21/08/2017 [17:15]:
Öz maşınına “Satılır” elanı yazanlar cərimələnəcək - 50-2000 AZN
21/08/2017 [16:55]:
İt dişlədiyi üçün ölən 5 yaşlı Zeynəbin həkimi cəzalandırıldı - ARAŞDIRMA BAŞLAYIB
21/08/2017 [16:47]:
Azərbaycanın cənubunda yol dağılıb, bir neçə kilometrlik tıxac yaranıb
21/08/2017 [16:30]:
Sumqayıtda dövlət idarəsindən oğurluq edilib
21/08/2017 [15:52]:
Binəqədi sakinləri həyəcan təbili çalır - “Zəlzələ olsa, bu binada azı 200 adam öləcək”
21/08/2017 [15:18]:
Fransada sürücü maşını insanların üstünə sürüb
21/08/2017 [15:10]:
Azərbaycanlı iki azyaşlı uşağını oğurlayıb Bakıya yola düşdü
21/08/2017 [14:48]:
ABŞ Rusiya vətəndaşlarına viza verilməsini dayandırdı
21/08/2017 [14:25]:
 "ÜAK-ın ləğvi Rusiyada azərbaycanlılar arasında narazılıqla qarşılanıb"
Bütün xəbərlər...
Həftənin ən çox oxunanları
Kəmaləddin Heydərova yeni vəzifə verildi
İlham Əliyevdən yeni sərəncam
Əli Həsənovun nəvəsinin qəza videosunu kim gizlədib? - DYP-dəki adamın adı açıqlandı
Atasına heykəl qoyduran deputatdan görünməmiş yalan - Yenilənib
Köçəryan Azərbaycan Daxili İşlər Nazirliyinə müraciət edib
İlham Əliyev yeni sərəncam verdi
Çempion anasının başını kəsdi - Foto
İlham Əliyev yeni sərəncam verdi
500 manata görə Bakıda bir ailənin iki uşağı qətlə yetirildi - qanlı cinayətin təfərrüatları
İsveç prokurorları Azərbaycan məmuruna qarşı rəsmən rüşvət ittihamı irəli sürür
İstiqlal.az-ın arxivi
"İstiqlal.az"
Xəbər Portalı
e-mail: [email protected]
Copyright©2013 "İstiqlal.az" MMC
Materiallardan istifadə zamanı
www.istiqlal.az saytına
istinad zəruridir
X

Bəyənin və "İstiqlal.az"-ı Facebook lovhənizdən izləyin